SHILLONG: Meghalaya Assembly election-na Voice of the People’s Party (VPP)-ni ku·rachake segipa ki·tapko Budbar salo, VPP-ni president Ardent Miller Basaiawmoit oprake on·angaha.
Ia ki·tapko oprake on·angani ja·man, kobor ra·timgipa manderang baksa agangrikengon, a·doko songdongenggipa manderangni namgnina VPP, pilakni gitan dingtanganiko ra·bana miksongenga ine Basaiawmoit parakataha.
Meghalaya a·dokna naljokaniko on·na aro man·e cha·dapaniko ra·bana gita VPP-o niksamsoanirang gnang ineba ua aganaha.
Basaiawmoit-ni parakatani gitade, a·doko bilakgipa aro chanchina changgipa dilgipako nangenga aro a·doko pilakni gitan namroro silroroaniko ra·bana tom·tomani aro manderangna naljokaniko nangenga.
“Jatni daka rikanirangko dilgiparangna bilrangko on·dapgen aro chel·chakanirangko on·gen. Samtangtango ong·telaigiparangkoba tangatpilan baksana ripinge rakkina kamko ka·gen,” ine VPP-ni president parakataha.
