KHARKUTTA: Sombar pringo, North Garo Hills a·jani Kharkutta jolo, election campaign-ona re·angenggipa pik-up truck gari bolsa a·sel ong·aha aro ia a·sel ong·anio me·chik sakbonga a·sel ong·gipa biapon sikamaha.
Kobor on·timgiparangni u·iatani gitade, ia pik-up truck gari, pring 11:00 bajimang, Kharkutta constituency-ni ning·o donggipa song damsaoniko manderangko gatenba, Bolmedang song gita re·angengachim indiba rama tang·ongipao ia gari maibakae ramasamo donggipa a·brio nanggakaha aro ja·mano ia gari bikpile a·sel ong·aha.
Ia gari a·sel ong·anio me·chik sakbongade a·sel ong·gipa biapon sikamaha aro gipin sak 24 manderang saknaanirangko man·tokaha ine kobor on·timgiparang u·iataha. Saknaa man·gipa manderangoni mitamde bilongbatenga ineba kobor on·aha.
Gari a·sel ong·anio sianggipa me·chik sakbrini bimingranga, Merina Sangma, Sabina Marak, Kukila Momin aro Tesa Sangma ong·a indiba saksani bimingkode ma·sikujaenga ine kobor on·timgiparang parakataha.
Ia a·selni bidingo koborko man·soa bakan dolsa police-rang, medical department-ni manderang baksa a·sel ong·gipa biapona dariangaha aro saknaa man·gipa manderangoni mitamko Kharkutta PHC-ona ra·ange bilongbatenggipa manderangkode Assam a·dokni Goalpara-ona watataha ine kobor on·aha.
Kobor on·timgiparangni u·iatani gitade, ia election program-ara Trinamool Congress (TMC) dolni ong·atenggipa program ong·achim aro a·sel ong·ani ja·man TMC-ni candidate Cherak W Momin-ba a·sel ong·gipa biapona re·angaha.
Indake ong·engon, Assam Assembly-ni Deputy Speaker Dr Numal Momin-ba ia a·sel ong·gipa biapona re·angaha aro sianggipa manderangna an·tangni kalimpaaniko parakataha.
Election campaign-ona re·angenggipa gari bolsa a·sel ong·e sak 5 sia
Date:
Share post:
