SHILLONG: Meghalaya a·dokni manderang baksa BJP aro Congress dolrang maming dakeba ‘ripeng’ ong·na man·jawa ine Budbar salo, Trinamool Congress (TMC)-ni tom·bimonganiko West Garo Hills a·jani Rajabala constituency-o ong·atanio TMC-ni chairperson aro West Bengal a·dokni Chief Minister Mamata Banerjee parakataha.
Budbar salo, TMC-ni tom·bimonganiko Rajabala-o ong·atanio laksa baten manderang tom·chimonge bakko ra·angtokahachim aro ian da·o dipet TMC-ni dal·batsranggipa tom·bimonganiba ong·ahachim.
“Uamang (BJP aro Congress) ma·mongo ru·utbea bilsirangna sorkariko chalaiahachim indiba Meghalaya a·doko rama jal·langrangkon tarie on·na man·jaha. Batanggimin bilsi bongana Meghalaya sorkariko chalaigipaba maming dingtanganikon ra·bana man·jahani gimin sorkariko dingtangatna nangengaha. Meghalaya a·doko medical college-rang, namgipa rama jal·langrang aro namgipa sanna banani cholrangba dongja. Meghalaya a·doko maming namroro silroroanirang dongja indiba cha·bokanirangsa gapaia. Ia namgijagipa sorkariko dingtangatbo,” ine Banerjee aganaha.
Opposition dol ong·e kamko ka·anio Congress dolba an·tangtangni daitoko chu·sokatna man·jaha ineba TMC-ni chairperson matnangataha.
A·doktangni dilgiparangko seokchina Meghalaya a·dokni manderangko didiangengon, gipin biaprangoni re·bagipa manderangde NRC, CAA aro uandakgipa niamrangchi a·dokni manderangko sason ka·na jotton ka·enggiparangsa ong·a ine ua BJP-ko matnange aganaha.
Re·anggipa bilsio, Mukroh songo dosgri manderangko goe galgipani gimin janapatengon, ia dilgiparang an·tangtangni skani gita manderangko so·ote galenga ine matnangatenba, maini gimin ia a·selni bidingo ma·mongni dolrangko sandirokna watatjaenga ine sing·doangaha.
Ia tom·bimonganio TMC-ni national general secretary Abhishek Banerjee-ba jinmana aganprakangengon, Meghalaya a·doko sorkariko rikaoni jasani gisepon TMC-ni ku·chakgimin WE Card scheme-ko chu·sokate on·gen ine parakataha.
M’laya baksa BJP aro Cong maming dakeba ‘ripeng’ ong·na man·jawa: Mamata
Date:
Share post:
