SHILLONG: Mawpdang-oniko a·a breanio gong kror 140-na baten NPP-chi dilgipa MDA sorkarini tangka jakkalsretani gimin jegale Bristibar salo, Meghalaya Trinamool Congress Students Union, Shillong songjinmao dingtangmancha bike rally-ko ong·atangaha aro ia bike rally-ko ong·atanio ritchani ritcha manderang bakko ra·angtokaha.
Mawpdang-niko a·a breanio gong kror 140-na baten tangka paisarangko jakkalsretaha ine Mongolbar salosan, Meghalaya Trinamool Congress (TMC)-ni office-o press conference-ko ong·atanio TMC-ni dilgipa Mukul Sangma, a·dok sorkariko matnangatahachim.
Iandake manderangni tangka paisarangko MDA sorkarini jakkalsretahani gimin Bristibar salo, Meghalaya TMC Students’ Union (MTMCSU), MDA sorkarini kosako jegale, bike rally-ko Lumshngain-oni km 8 batpile ong·atangaha aro ia bike rally-o ge 500-na baten bike-rangko sale ritchani ritcha manderang bakko ra·angtokaha.
Ia bike rally-ko MTMCSU-ni president Bansharailang Pyngrope dilangaha aro bike rally-o ‘MDA sorkari manderangoniko ra·seke ra·aha’ ine seenba manderang bike-rango re·jomangtokaha.
Iani bidingo ta·raken inquiry-ko dakchina gitaba MTMCSU dabiangaha.
MDA sorkarini tangka jakkalsretaniko jegale MTMCSU bike rally-ko ong·ata
Date:
Share post: