Shillong: (IANS) Meghalaya Assembly election-na jasamancha ru·ute campaign ka·angani Sonibar 4 bajio matchotaha.
February 27 tarik Sombaro ge 60 Assembly constituency-oni ge 59 constituency-o dam 12 district-rango chel·chakgipa dolrangni nirokanio voting ka·gen ba puonaniko dakanggen.
East Khasi Hills district-ni Sohiong constituency-o United Democratic Party (UDP)-ni candidate H. Donkupar Roy Lyngdoh-ni siani gimin election-ko ong·atjawa. February 20 tariko Lyngdoh, sagite siangaha.
Indake ong·engon polling dolrangko Sonibar salon ge 59 Assembly constituency-rango dongipa ge 3419 polling station-ona watataha, ine Meghalaya Chief Electoral Officer (CEO) F.R. Kharkongor, koborna u·iataha.
South Garo Hills-o, Rongcheng polling station-ni polling party ba dolrang, Sonibar pringonin ong·kattokaha. Maina ua polling station-ona sokna gita km 8 ramako re·na nanga. Chu·gimik sak 369 candidate-rang sak 36 me·chik candidate-rangko man·chape February 27 tariko ong·atenggipa Assembly election-o susaenga. Batanggimin bilsi 2018-ni Assembly poll-o sak 329 candidate-rang susaaha. Ua election-o sak 32 me·chikrang susaaha. Election-na Central Armed Police Forces (CAPF)-ni bang·a sipairangko aro a·dokni police-rangko wataha, ine Election official Kharkongor aganaha.
Election Commission-ni ge·etanio Meghalaya-o donggipa km 443 India-Bangladesh-ni simako election-ni somoio niamgri napgiparangko champengna gita chipataha. Chu·gimik dol 13 political party-rang national status-ko man·gipa BJP, Congress, National People’s Party (NPP) aro Trinamool Congress-ko man·gope, gimikan election-o susasenga.
BJP aro Congress sak 60 candidate-rangko susaatenga. Mongsonggipa opposition Trinamool Congress-ni sak 56 candidate donga, Chief Minister Conrad K Sangma-ni dilenggipa NPP, sak 57 candidate-ko susatenga. United Democratic Party (UDP)- sak 46, Hill State People’s Democratic Party (HSPDP)-ni sak 11, People’s Democratic Front -ni sak 9, Gana Suraksha Party -sak 1, Garo National Council two, Janata Dal (United) – sak 3, Republican Party of India two, ARepublican Party of India (Athawale) -sak 6, Voice of the People Party- sak 18 candidate-rang donga. Uandake sak 44 independent candidate-rangba donga. HSPDP, Ri-Bhoi, East Khasi Hills aro West Khasi Hills district-osan susaenga.
