Saturday, February 15, 2025
spot_img

A·dok gimikon pu·onani tom·tome matchota

Date:

Share post:

spot_img
spot_img

SHILLONG: Meghalaya Legislative Assembly-na Sombar salo election-ko ong·atani a·dok gimikon tom·tome matchotangaha aro a·dok gimiko pu·onani 76.32 percent gapaha ine Election official-rang parakataha.

Sombar salo, Meghalaya a·dok gimiko donggipa dam 60 Assembly constituency-oni dam 59 constituency-rango manderang, an·tangtangni gital dilgipako seokna gita pu·ontokahachim.

Re·anggipa February-ni 20 tariko, a·dokni gitcham home minister aro United Democratic Party (UDP)-ni candidate HDR Lyngdoh, tanggitik ka·tong saaniko man·e siangahani gimin Sohiong constituency-ode MLA election-ko dingtang salona ra·doatskaahachim aro uandaken Sombar salo, a·dok gimikni dam 59 constituency-rangna ia election-ko ong·atchengahachim.

“Meghalaya a·dok gimikni dam 3,419 polling station-rangon pu·onani tom·tome matchotangaha aro darang polling station-onikoba maming a·sel ong·anirangko knasona man·jaha,” ine Sombar attamo, Election Commission parakataha.

Meghalaya a·doko ga·nanggijagipa, a·brirangko dona nanggipa, chiringrangko ga·batna nanggipa polling station-rang bang·en donggenchimoba polling party-rang, kamtangtangko namen chu·sokataha ineba Election Commission parakataha.

Election Commission-ni u·iatani gitade, Meghalaya a·dok gimiko gari gora soke man·gijagipa polling station-rang dam 74-mangni gita donga aro mitam polling station-rangonade polling party-rang, ringrango aro wa·arangchi tarigipa dolongrangko batesa re·angna nangtokaha.

Koborko man·soani gitade, da·o dipet North Tura constituency-o pu·onani 55.5 aro South Tura constituency-o pu·onani 52.1 percent ong·e a·dok gimiko komibate pu·ongipa constituency-rang ong·enga.

Indake ong·engon, East Jaintia Hills, Ri Bhoi, South West Garo Hills aro West Garo Hills a·jani badiaba badiaba biaprangoba manderang, walni 9:00 baji batpilonan pu·ongiparang dongkuengani gimin pu·onani percentage batangkunaba gnang ine Meghalaya a·dokni Chief Electoral Officer (CEO) FR Kharkongor parakatskaaha.

A·dokni bang·bata biaprangon pu·onani tom·tome matchotahaoba badiaba badiaba polling station-rango EVM-rang nosto ong·ani a·sel bang·gija neng·nikanirangko chagrongna nangaha ineba CEO u·iataha.

Ia chang Meghalaya Assembly election-o dingtang dingtang dolrangoni aro Independent candidate-rang gimik sak 369 candidate-rang susaenga aro ia sak 369 candidate-rangoni sak 36-de me·chik candidate-rang aro sak 44-de Independent candidate-rang ong·achim.

Ia Assembly election-o susaenggipa sak 369 candidate-rangoni sak 60-de BJP-oni, sak 60-de Indian National Congress (INC)-oni, sak 57-de NPP-oni, sak 56-de TMC-oni, sak 46-de UDP-oni, sak 11-de HSPDP-oni, sak 9-de PDF-oni, sak 2-de GNC-oni, sak 3-de JD(U)-oni, sak 2-de RPI-oni, sak 6-de RPI (Athawale)-oni, sak 18-de VVP-oni aro sak 44-de Independent candidate-rang ong·engachim.

Ia Assembly election-ni result-rangko re·baenggipa March 2 tariko parakskana siengachim.

spot_img
spot_img

Related articles

Modi’s ‘MAGA, MIGA’ equation for India-US ‘MEGA’ ties

WASHINGTON DC, Feb 14: Prime Minister Narendra Modi has said that India and the US have a ‘MEGA’...

Niam gri koela bikotanio jak donga inako NPP jegala

SHILLONG: Niam gri koela bikotanio jak donga ine dingtang dingtang dolrangni matnanganiko National People’s Party (NPP)-chi dilenggipa MDA...

A·dokni minister-ko GNLA so·ota ine seanina ‘The Garo Hills Times’ page-ni kosako FIR ka·a

TURA: Meghalaya a·dokni Cabinet Minister aro National People’s Party (NPP)-ni dilgipa Marcuise N Marak-ko Garo National Liberation Army...

ADC election-na chu·onga gitan sipai dolrangko donatenga

SHILLONG: Re·baenggipa February 21 tariko ong·atenggipa Khasi Hills Autonomous District Council (KHADC) aro Jaintia Hills Autonomous District Council...