Shillong: NPP-ko gale sorkari rikna jotton ka·enggipa gipin political dolrang baksa Voice of the People Party (VPP) bakrimna gong·aigen indiba uamangni adita dabianirang dongskaa ine parakaha.
Kobor man·soani gitade, NPP-ko gale sorkari rikna jotton ka·enggipa gipin dolrangni sorkari, VPP-ni dabianiko ra·chakja ong·ode bakrimjawa ine aganataha.
Indake ong·engon VPP, NPP ong·gijagipa sorkarina chakaigen ine parakate, NPP sorkariko matnangaha.
VPP-ni dabianio- cha·bokaniko bon·atna, austerity measure-ko ra·gatna jekai- political appointment-ko champengna, retire ong·gimin sorkario kam ka·giparangko kamo rimnapilaniko dontongna aro MDA-ni sorkario non-tribal ba gipin jatrangoniko income tax ra·gipako watpilna dabiaha.
Iarangna agreba dingtang dingtang department-rangna niam gita tangkako watchina, Gaming Act 2022-ko bon·atna aro sima ari jol donggipa a·arangna Free Registration-ko on·china dabiaha. Sima ari jolo donggipa manderangni chelchak-naljokani giminba nirokchina dabianiko donaha.
VPP, State Reservation Policey-koba nipilaniko nangnikenga aro financial ba tangka paisani gita golmal ong·gipa case ba scam -ko sandienggipa agency CBI-na sandina on·china dibianiko donaha.
Indake ong·engon game cha·giparangna Market Intervention Scheme (MIS)-ko ra·gatchina aro MDA sorkari aro Assam sorkarini gisepo soi ka·gipa MoU-koba nipiltaichina dabiaha.
Iarangna agreba a·doko ILP-ko ra·gatchina, niamgri koela badingako dontongatako nangnikenga. Uamangni dabianiko kam ka·genosa VPP, NPP ong·gijagipa gipin dolni sorkario bakrimna aganaha.
NPP ong·gijagipa gipin dolni sorkario bakrimna VPP, uamangni dabianiko dona
Date:
Share post:
