SHILLONG: National People’s Party (NPP)-chi dilenggipa Meghalaya Democratic Alliance (MDA 2.0) sorkarini Cabinet-o ia chang United Democratic Party (UDP)-ni president Metbah Lyngdoh, biapko man·rikjahaoba ua je kamchiba dangdike on·na kusi ong·aigen ine parakatskaaha.
MDA 2.0 Cabinet-o UDP-na ia chang biap damgnikosan on·aiahachim aro ia biaprangko Kyrmen Shylla aro Paul Lyngdoh-na on·skaahachim.
Indake ong·engon, Cabinet-o ia chang una biap tikjahaoba ua je cholko man·a uchin a·dokni manderangna dangdike on·na kusi ong·aigen ine UDP-ni president parakatskaaha.
Una Meghalaya State Planning Board (MSPB)-o chairman-ni kamko on·engama ine sing·anina aganchakaniko on·angengon, “Angna je kamko on·oba anga kusi ong·aigen aro anga jeo ong·genchimoba anga manderangna dangdike on·aigen,” ine Lyngdoh parakataha.
Gital minister-rangni ku·mikchetaniona a·songni Prime Minister Narendra Modi re·bae bakko ra·angahani giminba ua an·tangni kusi ong·aniko parakataha.
“Ia gital sorkario mai kamrangko mongsonggipa ong·e jako ra·na sienga, uani bidingo chinga chief minister baksa asonge chanchirimna nanggen. Common Minimum Program-ko jako ra·e ka·angkuani giminba chinga chanchianggen,” ine UDP-ni president aganaha.
NPP-chi dilanggipa gitcham MDA sorkariode UDP-ni president Metbah Lyngdoh, Assembly-ni Speaker ong·e kamko ka·ahachim ine nikna man·a.
MDA-II sorkario je kamchiba dangdike on·na kusi ong·aigen: Metbah
Date:
Share post:
