SHILLONG: Meghalaya a·doko Congress dolni dilgiparang, uko kamoniko ra·galna miksongenggipani bidingo ua an·tangde maming kobor man·soa dongkuja ine Sonibar salo, Meghalaya Pradesh Congress Committee (MPCC)-ni president Vincent H Pala parakataha.
“Haida, Congress dolni mitam dilgiparang, Meghalaya a·doko Congress dolni gital dilgipako songna nangnikengakon indiba da·o dipet angonade iandakgipa maming koborrang sokbaa dongkuja,” ine Pala, kobor ra·timgiparangna aganaha.
Ia bilsini Meghalaya Assembly election-o Congress dol chu·sokgipa ong·jahani gimin, MPCC-ni president Vincent Pala-ni kamko Congress dolni high command nipiltaina sienga ine adita salrangna skangsan koborrangko man·soahachim.
Sutnga-Saipung constituency-o MPCC-ni president Vincent Pala-ko NPP-ni candidate Santa Mary Shylla cheahachim.
2018 bilsini Assembly election-ode Congress dol, dam 21 seat-rangko cheahachim indiba ia changode seat dambongakosan cheskana man·aiahachim.
Ia chang Assembly election-o Congress aro Trinamool Congress (TMC) dolgnian dambonga seat-rangkosan cheaiaha indiba United Democratic Party (UDP)-de dam 11 seat-rangko cheskana man·ahachim.