SWGH-o 28 Bn BSF-ni civic action program-ko ong·ata

TURA: Sombar salo, Tura-o donggipa 28 Battalion Border Security Force (BSF)-ni gita civic action program-ko South West Garo Hills a·jani Indo-Bangla simao donggipa songo ong·atangaha.
Ia civic action program-ko ong·atanio BSF-ni officer-rang, Zikzak Block-ni officer-rang, police officer-rang, songni nokmarang, chatro chatrirang, skigiparang aro songni manderangba bakko ra·angtokaha.
Ia program-ko ong·atanio BSF dolni sipairang, chadamberangna kal·susaani bosturangko, game ge·e cha·giparangna gama ge·ani aro chi tengkirangko aro skulni bi·sarangnaba skul bag aro gipin bosturangko suale on·angaha.
Ia civic action program-ko ong·atanio Indo-Bangla sima jolrango donggipa dingtang dingtang songrangoni komibeoba sak 250-mangni gita manderang re·bae bakko ra·angtokaha aro iandakgipa program-ko ong·ate songni nokni manderangna dakchakanirangko on·ahani gimin 28 Bn BSF-ko mittelpilangtokaha.