TURA: Sombar salo, NEHU Tura Campus-ni ning·o donggipa Biotech KISAN Hub-ni gita Entrepreneurship Development-ni Capacity Development Program-ko South West Garo Hills a·jani Bandalkona Training Centre-o ong·atangaha aro ia program-o NEHU Meghalaya-ni Vice Chancellor Prof PS Shukla, NEHU Tura Campus-ni Campus-in-Charge Prof Sujata Gurudev, Biotech KISAN Hub-ni Project Coordinator Dr Arindam Barman, Tura Adil Gandhian Society-ni Secretary Michael Sangma, Adil Gandhiyan Society-ni Member Nathan Ch Momin, Biotech KISAN Hub-ni Project Assistant Neha M Sangma, Biotech KISAN Hub-ni Project Activity Assistant Amy D Shira aro gipinrangba dongpae bakko ra·angtokaha.
Game ge·e cha·enggipa manderangni kamrangko namdapatna aro gama ge·anio jakkalgipa gital ostrorangni bidingo game ge·e cha·giparangna agan-skie on·na gita ia program-ko ong·atangaha.
Iani ja·man Start up & Entrepreneurs Exhibition 2023 baksana Biotech KISAN Hub aro Biotech KISAN Hub-ni Bio-Resources Development Hub Building-koba NEHU Meghalaya-ni Vice Chancellor Prof Prabha Shankar Shukla oprake on·angaha aro iako oprake on·angani somoio NEHU Tura Campus-ni Campus-in-Charge Prof Sujata Gurudev, Biotech KISAN Hub-ni Project Coordinator Dr Arindam Barman aro gipinrangba dongpae bak ra·angaha.
