Wednesday, July 16, 2025
spot_img

Truk gari salgipako BSF so·ote gala

Date:

Share post:

spot_imgspot_img
Shillong: Bilsi 34 ong·gipa truk driver ba gariko salgipa Raid Nongkynrih-ni Jalynteng songoni Ronin Nongkynrih minggipako Sukrobar walni 11 bajimango Pynursla-Dawki jol Pomshutia-o Meghalaya Frontier-ni sakgittam BSF personnel-rang guli goe so·otaha.
Truk gari salgipa mande, Bangladesh-oni matchurangko badingsrukatna miksonge truko matchurangko gate salengengachim.
Bangladesh-ona srik matchu badingatgiparangko champenge aro dos dakgiparangko changni chang rim·ani koborrangko knaengon, iandakgipa obosta ong·ako nikna man·aha.
Koborni gitade, truk gari salgipa Pynrusla-Dawki  rama gita bye-lane-ko napna miksongengachim, ua somoio BSF-rang uko guli goaha. Nongkynrih-ko skoo guli goani a·sel jolan sijolaha. Uandake koborni gita, truk driver, uni jonggipa baksa dongachim.
BSF-ni guli goani ja·man truk gari rama jol sepango donggipa nalao ga·akaha ine jonggipa Ribalskhem Nongkynrih parakaha.
Matchurangko sokatna nanggipa biapona salangmiting somoio iandakgipa obosta ong·aha, obosta ong·ako niksrapjaha ine aganaha.
Guli goa man·gipa uni adagipa, uamangna ramako wate on·na jotton ka·ahachim indiba ua somoion guli goskaha. An·tangkoba guli goa man·a kene sia dake togiaha ine Nongkynrih aganaha. “Angko Nokgipa jokataha.”
Iarangni gisepo a·sel ong·a ja·man BSF, ua biaponi kataha. Police, iani bidingo mamlako segataha aro ia mamlako am·sandina a·bachengataha.
Uandake BSF personnel, jean truk gari salgipako guli goaha, uko rim·genma? ine sing·on police-ni a·gipi official, “ia mamlako court-ona ra·anggen’ ine aganchakataha.
Police dolrang, obosta ong·ani koborko man·a jolan a·sel ong·gipa biapona magistrate baksa sokangaha. East Khasi Hills-ni SP Sylvester Nongtnger, “IPC Section 302-o pangchake Pynursla PS-o mamlako segataha. Da·odipet ia mamlako darangkoba rim·a dongkuja’ ine koborna u·iataha.
Ia obosta ong·ani gimin parakatengon, BSF Meghalaya Frontier-ni IG Pradip Kumar, “frontier headquaters-oni ta·raken mamlako sandie ja·ku de·na a·bachengataha” ine parakataha.
DIG rank officer-ni dilanio ia mamlako sandina ge·etaha. Unbaksana sakgittam BSF personnel-rangko biaponiko ra·galataha aro frontier headquaters-na ong·a obostao report-ko on·china ge·etaha ine IG, koborna u·iataha.
Uandake, ong·a obostani gimin talatengon, “guli gogipa BSF personnel, self defence ba an·tangko warachakna guli goaha. Uni kosako gari saljetna kenesa guli goahachim indiba rasong grie truk gari salgipa siaha. Ian bon·kamgipa report ong·a, indiba chinga, ia mamlako am·sandianio police baksa chakchike bak ra·gen ine BSF Meghalaya Frontier IG aganaha.
Indake ong·engon KSU South Central Circle, guli gogipa BSF personnel-ko ta·raken rim·china dabiangaha. Guli gogipako rim·ja ong·ode, rakgipa ja·kuko de·angskagen ine parakataha. Aro Sombar salo Pynursla-o ia ong·a obostako jegalna gita rally ka·na parakangaha.
spot_imgspot_img

Related articles

Assam CM inaugurates high performance sports centre

From Our Special Correspondent GUWAHATI, July 15: Assam chief minister Himanta Biswa Sarma on Tuesday inaugurated a high-performance sports...

Starc shines in milestone Test as visitors rout Windies for 27

Kingston (Jamaica), July 15: Mitchell Starc took six wickets for nine runs and Scott Boland claimed a hat-trick...

India eye ODI domination after T20 triumph against England

India women vs England women Southampton, July 15: Riding high on confidence after scripting a historic T20I series win...

Unjustified harassment

Editor, With reference to the letter “The Struggles of Retired College Teachers under the MDA Government,” I, along with...