SHILLONG: People’s Democratic Front (PDF)-ni dilgiparang National People’s Party (NPP) baksa bakrimeani ja·man da·o a·dokni BJP aro gipin political dolrangkoba NPP-ni dilgiparang apsan bakrimechina nangnikskaengaha.
Iani bidingo kobor ra·timgipa manderang baksa agangrikengon, “Gipin political dolrangkoba chinga apsan bakrimna ka·dongenga aro chinga dingtang dingtang political dolrangko NPP baksa bakrimna kusi ong·ama ong·jawa sing·sandienga,” ine NPP-ni national vice president aro a·dokni Deputy Chief Minister Prestone Tynsong parakataha.
Gipin political dolrangna NPP-ni do·gako pangnan oe donaienga ineba ua parakataha.
“Chinga pilak dolrangnan do·gako oe donaienga aro PDF jekai ching baksa bakrimeaha, apsan daken gipin dolrangkoba ching baksa bakrimechina chinga agangrikrongenga,” ine Tynsong aganaha.
UDP aro BJP-ni gimin sing·on, “Chinga BJP-koba man·chape pilakkon bakrimechina nangnikenga,” ine NPP-ni national vice president parakataha.
A·dokni pilak political dolrang baksa bakrimna cholrang ong·genma sing·anina aganchakaniko on·angengon, “Cholrang ong·genma ong·jawa ukode chinga ma·sija indiba chingni kamde gipin political dolrangko okamanian ong·a,” ine Tynsong aganaha.
PDF-ni MLA sakgniba bakrimeahani gimin da·o Assembly-ni dam 60 seat-rango NPP, sak 28 MLA-rang gapskaengahachim.
