Sunday, June 16, 2024
spot_img

June jani bon·angachibara Assam-M’laya CM-rang, golmal ong·enggipa biapko niegen

Date:

Share post:

spot_img
spot_img

SHILLONG: Assam aro Meghalaya a·dokni simarango meligrikna man·jaenggipa bangki biaprangni bidingo agangrikaniko a·dok damgnini chief minister-rang, Budbar salo Guwahati songjinmani Khanapara-o donggipa State Guest House (Koinadora)-o a·bachengataha aro ia tom·anio a·dok damgnini chief minister-rang, re·baenggipa June jani bon·angachibara, West Jaintia Hills aro Karbi Anglong a·jani gisepo so·sojengjeng ong·enggipa biaprangko re·ange nina tik ka·angaha.
Skangonin Assam aro Meghalaya a·dokrang meli nangrime janggi tangbaengani gimin sima jolrango meligrikna man·jaenggipa biaprangko namatpilna gita apsan nangrime kamko ka·na gitaba ia tom·anio tik ka·angaha.
Dolsa dolgipin baksa agangrikjringanichi aro ka·dongchakgrikanichi a·dok damgnini simarango meligrikna man·jaenggipa biaprangko namatna man·gen ineba a·dok damgnini chief minister, ka·donganiko parakataha.
Ia tom·aniko ong·atani bidingo Meghalaya a·dokni Chief Minister Conrad K Sangma, kobor ra·timgiparangna talataniko on·angengon, a·dok damgnini simarango meligrikna man·jaenggipa biaprangko namatna gita on·kange kam ka·anio ia agangrikaniara chu·sokgipa ong·aha ine parakataha.
“Assam-ni Chief Minister Himanta Biswa Sarma aro India sorkarini bakrimanichi chinga da·o bangki damdok biaprangoba meligrikaniko ra·bana man·gen ine anga ka·dongchakenga. Bangki damdok biaprangko namatpilna gita ian chingni kamrangko a·bachengatani ong·enga aro skanggipa bako gitan ia biaprangni bidingo tale am·sandichina aro kamrangko ka·china chinga regional committee-rangna ge·etaniko on·manaha,” ine Sangma parakataha.
Ia kamko ka·anio sorkari, dingtang dingtang dolrang baksa aro jolo songdongenggipa manderang baksaba agangrikchenggen ine janapatengon, badiaba biaprangni report-kode somoi nanggen aro mitam biaprangonikode ta·raken man·gen ine Chief Minister parakataha.
“Golmal ong·enggipa West Jaintia Hills aro Karbi Anglong a·jani biaprangko chinga June jani bon·angachibara re·ange niegen. Ia biaprango adita so·sojengjeng ong·anirangko nikna man·enga aro chinga ia biaprangona re·ange, tom·tomaniko rakkichina mol·molgen aro dolgnini gisepo namgrikaniko ra·bana kam ka·gen,” ine Sangma aganaha.
A·dok damgnini gisepo meligrikna man·jaenggipa skanggipa damdok biaprangko survey ka·chengchina a·dok damgnini Chief Minister-rang, Survey of India-ko u·iataha ineba ua parakataha.

spot_img
spot_img

Related articles

US: 9 injured in shooting at Michigan water park

Shillong, June 16:  At least nine people were injured in a shooting at a water park in Rochester...

Protein that boosts body’s immunity against cancer discovered

Shillong, June 16: A team of researchers has discovered a protein which can also play a critical role...

T20 World Cup: Australia clinch classic against Scotland, England make Super 8

Shillong, June 16: Australia rallied late to end Scotland's qualifying dreams with a 5-wicket win in the group...

Private data of 2,900 people leaked after TAG Heuer hacked

Shillong, June 16: Private data of some 2,900 South Korean customers was leaked after TAG Heuer, owned by...