SHILLONG: Roster System-ko ra·gatani bidingo chanchirimna songgipa Government committee-o bakrimna VPP president, Ardent Basaiawmoit jechakaha. Committee-o gimik political party-rang donggen.
Ardent Basaiawmoit, committee-o member ong·e bakrimjawa, maina party, Reservation Policy-ko nipilna dabianiko watgaljawa ine VPP general secretary Dr. Ricky AJ Syngkon, koborna u·iataha.
Roster system-ko ra·gatanio party-na maming neng·nikani dongja, indiba chinga Reservation Policy-ko nipilaniko nangnika, iani gimin chinga dakgrikangkugen ine VPP dilgipa aganaha.
“Reservation Policy-ni gimin chanchirima dongija Roster system-ko ra·gataniara maming namgni dongjawa, Reservation Policy-an tik ong·ja.”
VPP president, Ardent Basaiawmoit, Reservation Policy-ko nipilchina sorkariko dabie, mni Mongolbar salonin dongdikgija okumu chake jingjengatenga, unbaksa una chakgiparang bang·an tom·daktokenga.
Dingtang dingtang political dolni dilgiparangba legislator-ko uni jingjengatgipa biapona re·ange jingjengataniko dontongchina mol·molangaha. Aro bang·an uko grongna re·angtokenga.
Indake ong·engon a·dok sorkari, Reservation Roster System-o chanchirimna gimik political party-rangko man·gope committee-ko songna notification-ko on·aha. Committee-ko dilna Minister Ampareen Lyngdoh-ko chairman soekaha.
Committee-ni gipin memborrangara- Zenith M. Sangma, AITC, H.M. Shangpliang, BJP , Augustine Marak, GNC, Methodius Dkhar, HSPDP, Ronnie V. Lyngdoh, INC, Pyndapborthiaw Saibon, KHNAM, Dr. W. Kharlukhi, NPP, Renikton Lyngdoh Tongkhar, UDP , Ardent M. Basaiawmoit, VPP aro Chief Secretary.
Committee, Reservation Roster-ko ra·gatani bidingo chanchirimgen aro sal 15-ni gisepon sorkarina report-ko on·gen.
Roster-ni bidingo chanchirimna committee-ko songa, Basaiawmoit bakrimna jechaka
Date:
Share post:
