TURA: World Environment Day-ko maniani bak gita re·anggipa Sombar salo, North Eastern Hill University (NEHU) Tura Campus-ni Biotech KISAN Hub, NEHU Tura campus-ni NSS PG Unit baksa nangrime, Agriculture, Environment aro Food Security-ni bidingo National Symposium-ko ong·atangan baksana jinma bol ge·aniko aro exhibition-koba ong·atangaha.
National Symposium-ko a·bachengatanio, Meghalaya Legislative Assembly-ni Speaker Thomas A Sangma, mongsonggipa sokgipa ong·e bakko ra·angaha aro ia program-o gul murisko ge·anina Padma Shri award-ko man·gipa Nanandro B Marak, NEHU Tura campus-ni Campus-in-Charge Prof Sujata Gurudev, Biotech KISAN Hub-ni Project Coordinator Dr Arindam Barman aro gipinrangba bakko ra·angaha.
Ia program-ko ong·atanio Meghalaya Assembly-ni Speaker, jinmana aganprakengon, ia symposium ba tom·ani gamchatgipa ong·ani gimin aganangenba, samtangtango ong·telaigiparangko nirok sandianiara pilakni dakna nanggni kaman ong·a ine parakangaha.
Ia symposium-ko ong·atanio sak 230-na baten manderang bakko ra·angtokaha aro exhibition-ko ong·atanio dam 8 stall-rangko donaha.
