TURA: South West Garo Hills a·jani Ghegapara songo gital rikgipa Health & Wellness Centre-ko Budbar salo, Mahendraganj-ni MLA Sanjay A Sangma, nokdonggae on·angaha.
Ia Health & Wellness Centre-ko nokdonggae on·anganio, Zikzak-ni MDC Aktar Ali, Zikzak Block-ni BDO Jayanta Hajong aro jolo songdongenggipa manderangba bakko ra·angtokaha.
Ia Health & Wellness Centre-ko nokdonggae on·angani somoio Mahendraganj-ni MLA, jinmana aganprakengon, ia bilsini December jana skangan ia health & wellness centre-na ua ambulance bolsa on·atgen ine ku·rachakaniko on·angaha.
Iana skang, South West Garo Hills a·jani District Medical & Health Officer (DM&HO) Dr Himangshu Barman-ba jinmana aganprakengon, Ghegapara songoba da·o health & wellness centre-ko kuliahani gimin ia jolo donggipa manderang saa ding·ani somoirango aro mongsongbate an·pakani somoirango ta·raken ia centre-ona re·bae dakchakanirangko ra·ena man·gnok ine parakangaha.
