TURA: Expiry date ba dongimin somoi batgimin cha·anirangko gital dake kateptaienba manderangna palna jotton ka·ahani gimin Rongram-o donggipa bakery ba ruti aro biscuit-rangko palenggipa dokkan ge·sako NGO-rangni dakchakanichi Food Safety department-ni officer-rang chipe donataha.
Koborko on·ani gitade, Rongram-o ruti, biscuit aro cake gita dakgipa cha·anirangko palenggipa dokkan ge·sao, expiry date batgimin cha·anirangko bikottaie, uarangko gital dake kateptaienba, dokkan nokgiparang, ia cha·anirangko palna jotton ka·engachim.
Indake ong·genchimoba, ia dokkano iandake gitcham cha·anirangko bikote tariengmitingko manderang video ka·e ra·rikna man·aha aro video-ko social media-rangko watpripraataha.
Video-rangko niksoa bakan GSU aro GSMC-ni dilgiparang, iani bidingo Food Safety department-ni officer-rangna u·iatskaaha aro Mongolbar salo Food Safety officer-rang NGO-ni dilgiparang baksa ia dokkanona re·ange ia dokkanko chipe donataha.
Gitcham cha·anirangko palani gimin Rongram-o dokkan ge·sako chipe donata
Date:
Share post:
