SHILLONG: State Reservation Policy-ko nipiltaina gita Expert Committee-ni membor-rangko seokanio, membor-rang badia a·dokoni uko nina skangba, uamangni u·i-ma·siani aro kam changanikosa Search Committee nichenggen ine Budbar salo, a·dokni Chief Minister Conrad K Sangma parakataha.
“Expert committee-ni membor-rangko seokanio skanggipade uamangni u·i-ma·siani aro qualification-rangkosa nichengna nanggen aro ja·mano chol ong·ode chinga gipin bewaloba nina jotton ka·gen,” ine Chief Minister, kobor ra·timgiparangna aganaha.
Reservation policy-ko nipiltaina gita songako man·gipa expert committee-ni membor-rang, a·doktangni ba badiaba biapni ong·na nanga ine a·dok sorkari maming niamrangko dona dongjahachim.
“Expert committee-ni membor-rang a·doktangni ba a·paloni ong·gen ine da·o dipet chinga maming niamrangko donkuja indiba membor-rangko seokanio skanggipa nina nanganide membor-rang pilakan u·i-ma·sigiparang aro chu·onga gita poraiani gadang donggipa ong·na nanggen,” ine Sangma aganaha.
State Reservation Policy-ko nipiltaina sienggipa Expert Committee-ni membor-rang, a·doktangonin ong·na nanga ine dingtang dingtang political dolrang aro NGO-rang, an·tangtangni nangnikenganiko paraktokahachim ine nikna man·a.
Expert Committee-ko sandina songa man·gipa Search Committee-ni kamrangko talate on·angengon, ia committee-ni membor-rang, bimingrangko sandina a·bachengaha ine Chief Minister parakataha.
Membor sakgittam donggipa Search Committee-ko a·dokni Chief Secretary DP Wahlang dilengachim ine nikna man·a.
Expert committee-ni membor-rangko seokanio nambatgipakosa seokgen: CM
Date:
Share post:
