TURA: Manipur a·doko so·sojengjeng ong·enganichi Manipur a·dokni manderang, gipin biaprangona katnaptokengani gimin Meghalaya a·dokoba ta·raken Meghalaya Residents Safety & Security Act (MRSSA)-ko ra·gatchina Garo Hills-ni Trinamool Congress (TMC) dabiangaha.
MRSSA-ara gipin biaprangoni re·baenggipa manderangni re·baani aro re·ongkataniko nirokna dongimin niam ong·ani gimin a·doko MRSSA-ko ra·gatgenchimode, Manipur a·dokoni katnapenggipa manderangna re·angpilani niamrangkoba donna man·gen ine TMC parakataha.
“Manipur a·doko ong·enggipa obostarangko chol ra·e ong·gija dakgipa manderang Meghalaya a·doko sondongkamna man·jana gita a·doko MRSSA-ko ra·gatchina chinga sorkariko didienga. MRSSA-ko ra·gatanichi a·dokona re·baenggipa manderangko nirokna man·gen,” ine Sombar salo, TMC-ni chadambe dolko dilgipa Richard Marak parakataha.
Marak-ni parakatani gitade, a·doko MRSSA-ko ra·gatgenchimode batanggimin somoirango ra·gatgipa niamrang gita ong·gija, a·doko songdongenggipa jatrangni bimangrangkoba bilakbatatgenchim.
“Meghalaya a·doko songdongenggipa manderangko chel·chakna aro mikkangchi maiba a·sel ong·gnirangkoba champengna gita a·doko MRSSA-ko nangchongmotenga,” ine Marak parakataha.
MRSSA-ni bidingo manderangna talate on·china gita sorkariko didiatengon, MRSSA-ko ra·gatanichi a·dokni manderangna naljokanirangko on·na man·gen aro Manipur a·doko ong·enggipa obostarangko chel·chaksona man·gen ine TMC-ni chadambe dolko dilgipa Richard Marak parakataha.