SHILLONG: Meghalaya a·dokni Reservation Policy-ko gital dake nipilanio, a·doko songdongenggipa gipin Scheduled Tribe (ST)-rangnaba 15 percent chamchina dabianiko pilak political dolrangni songgimin committee aro expert committee, nanga gita nie ja·kurangko de·anggen ine a·dokni Chief Minister Conrad K Sangma parakataha.
Da·o dipet Meghalaya a·doko songdongenggipa gipin ST-rang, jekai, Rabha, Koch, Hajong, Boro, Maan aro uandakgipa jatrangna Reservation Policy-o 5 percent-kosan chamkuengani gimin ia jatrangnaba Reservation Policy-ko gital dake nipiltaianio 15 percent-ko chamchina adita salrangna skangsan, Meghalaya Indigenous Minority Tribes’ Forum (MIMTF), a·dok sorkarina memorandum-ko on·angahachim.
Indake ong·engon, MIMTF-ni on·gipa memorandum-ko all party committee-ona watdoataha aro ja·mano Expert Committee-koba songahaon ia committee-onaba watatgen ine Chief Minister parakataha.
