SHILLONG: Meghalaya State Women’s Commission (MSWC)-ni gital chairperson-ko seokna gita a·dok sorkari, search committee-ko songna tik ka·e donangaha.
Iani bidingo kobor ra·timgiparangna talataniko on·angengon, ia search committee-o official-rangna agreba official ong·gijagipa manderangba donggen committee-ni non-official membor-rangnade Women’s College aro Lady Keane College gita dakgipa college-ni principal-rangko ra·gen ine Sukrobar salo, a·dokni Social Welfare Minister Paul Lyngdoh parakataha.
Search committee-ko songkujaskal, MSWC-ko chalaiani bidingo sorkari dingtang cholrangko sandianggen ineba Lyngdoh parakataha.
MSWC-ni gitcham chairperson Phidalia Toi-ko ra·galani bidingo janapatengon, ua maming kenani gri, darangnaba mikkang niteani gri aro maming ong·gija skani grisa an·tangni bilko jakkalaha ine Social Welfare Minister parakataha.
Be·en an·senggijaniko pa·sike gitcham chairperson, nangchongmotgipa chang 12 tom·anirango bakko ra·ejaha ine ua file-oniko nikna man·aha ine janapatengon, political dolrangni campaign ka·anirangoba ua bakko ra·aha ine janapanirang gnang ine Lyngdoh parakataha.
Lyngdoh-ni parakatani gitade, MSWC-ni chairperson ong·ahaon politics-rangoni chel·e dongna gita niamrang dongachim.