U·IATTIMGIPAONI
SHILLONG: 2021-2022 bilsina Education Ministry-ni Performance Grading Index (PGI)-o changsataie Meghalaya a·dok bon·kamgipa biapko man·taiaha aro ian a·doko lekka porani gita ja·manchakenganiko mesokani ong·aha.
Meghalaya a·dok baksana salgro salaram jolni Mizoram aro Arunachal Pradesh a·dokrangba, lekka poranio ja·manchakbatsrangenggipa a·dokrang ine Education Ministry-ni PGI-o channako man·aha.
Akanshi – 3 grade-o Meghalaya, 420.6 point-rangkosan man·aiaha, Mizoram 453.4-ko aro Arunachal Pradesh a·dok, 458.5 point-rangko man·skaaha.
School Education-o nambatgipa a·dokrangara Chandigarh aro Punjab a·dokrang ong·skaaha.
Batanggimin bilsirangonin Education Ministry-ni Performance Grading Index-o Meghalaya a·dok ja·manchakbatsranggipa a·dok ong·engani gimin matnanganirangko man·an baksana iani bidingo bang·en jera ra·grikanirangkoba nikna man·engachim.
PGI report-o parakani gitade, India a·song gimiko lak 14.9-mangni gita skulrang, lak 95 skigiparang aro kror 26.5-mangni gita chatro chatrirang dongani gimin a·songni education system-ara a·gilsako dal·batsranggipa gita ong·engachim.
2021-2022 bilsina Education Ministry-ni PGI report-ni gitade, a·dokrangni gisepo bang·bate man·gipa point-ara 659.01 ong·aha aro komibatsranggipara 420.64 ong·skaaha.