U·IATTIMGIPAONI
Shillong: Education Minister, Rakkam A. Sangma, NEP, 2020-ko ra·gatanio meligrikgijaniko ta·raken namatchina aganaha.
“NEP-ko ra·gatanio manangement, principals aro student-rangoni maming champenga ba jegalani dongja. Indiba MCTA aro NEHU-ni giseposa meligrikjaenga, ine Sangma aganaha.
MCTA aro NEHU, uamangni gisepo meligrikgijaniko namgrikatchina, jeko dakgenoba student-rangni namgnina ong·na nanga.
A·dok sorkari, dingtang dingtang college-rangni management aro principal-rang baksa adita changna tom·e agangrikaha. Niatgenchimode student-rang ia 3 undergraduate course-kon dakangkua ong·ode mikkangchi gipin universities-o admission man·a neng·nikarangko chagrongna nanggen. Bang·bata a·dokrang jekai Delhi aro Mizoram-ode NEP-ko ra·gatmanjok ine Education Minister aganaha.
“Ia bilsionin NEP-ko ra·gate ja·rika ong·ode nambegen. Meghalaya-o NEHU baksa bakrimgipa college-rangode NEP-ko ra·gataha.”