SHILLONG: NEP-ko ra·gatnasienggipani gimin sorkari maiko miksongenga State Assembly-ni ong·nasienggipa autumn session-o white paper ba talate on·a nanggen, Opposittion TMC, a·dok sorkariko aganaha.
“Session sepangba-engaha aro nangenggipa kamrang ba gamrang, skigiparangni changa-sapa ba u·i-ma·sianirangko a·palbatatan baksa NEP-ko ra·gatna sorkari maiko miksongenga white paper-ko on·a nanggen anga chanchia,” TMC vice president George B Lyngdoh, a·doko NEP 2020-ko ra·gatani bidingo jajaaniko janape aganaha.
De·e ra·bagipa gitalgipa policy uko ra·gate bang·a neng·nikanirang ong·-chongmotgen. 2020 bilsio NEP-ko parakatani ja·mano da·o ma·mong sorkari a·dokni college-rangna aro Higher Secondary skul-rangna aro dingtangman-cha skigiparangna maidak-gipa ja·kurangko de·ang-gen,” ua sing·doaha.
Ua ja·ku de·anirangko nikkujaenga, aroba niam-rang tik ong·oba skiani kamrango maidakgipa ong·enga uni gimin gimikan jajaani ong·enga maina dingtangmancha a·dok sorkarini daitoko jako ra·giparang baksa chanchi-grikao ministry-ni janap-gipa gita ong·ja” ua aganaha.
“NEP a·dokna bal-bojako gatasan ong·aija aro nanganirang dongjaode maikai a·dokrang uko ra·gatgen,” ua aganaha.
“Da·o skul-college-rango nangarang dong-jaode aro skigiparangni u·i-ma·sianirangko tang·doat-jaode maikai uarangji gimin agangen aro NEP-ni gimin chanchigen,” ua sing·doaha.
“NEP-ni janapaniko aro ra·gatani sal somaiko sorkari mesokna nanggen jedakode sakantian rong-tale ma·sina man·gen,” ua aganaha.
Jajaaniko knachake uko ra·gatna somaiko ra·na a·dok sorkari amjaengani gimin agane, Gipin a·dok-rango NEP-ni gadangko ja·rikaniangko changsao chinga ma·siahaode indide a·dok sorkari ragatna amama amjawa ba gipin a·dok sorkarirang ia policy-ko chu·gimik namnikama namnikja uko chingaba nigrikna man·gen’’.
“Ia policy-ko ma·mong sorkari ra·gatna de·e mesokaonin gipin a·dokrangni ia policy-ko ra·gatanio a·dok baksa ma·mong dakchakna nanga ong·jaode chinga neng·nikani chongmotko man·gen jekon da·o chinga chagrongenga,” ua agandapaha.