U·IATTIMGIPAONI
September 10 tariko World Suicide Prevention Day-ko manianggen, a·gilsak gimiko wilwile janggi tangenggiparangna chana am·pilgijagipa saanirang sokbaanio nangchongmotgipa kattarangko aganne on·angna a·gilsak gimikni jatrang ong·e an·ching ku·cholsan ong·e re·bana. Ia bilsini pangchakani, “Kamchi ka·donganiko ong·katatna,” ine donaha, an·tangko so·ote siako champengna jotton ka·ani bilko mesoke on·angna aro ka·donganiko on·a didiangna.
A·gilsako baksaoba ra·bianirangchi chee janggi tangna nanga, nangchongmotgipako gisik ra·atna jeon chonbegipa ja·kuko de·anichiba dingtanganiko ra·bana man·gen. An·ching sakantian saniba golponi gimin dingtanganiko, ka·donganiko, janggirangko jokatna aro dingtanganiko ong·katatna chu·onggipa bilrang donga.
