U·IATTIMGIPAONI
TURA: Department of English & Masters of Social Work Program, National School of Drama (TiE Wing) baksa bakrime NEHU, Tura Campus-o sal 15-na Theatre in Education (TiE)-o workshop-ko ong·atangaha.
NEHU, Tura-ni English Department, student-rangni changa-sapanirangko namdapatna miksonganio iandakgipa program-ko ong·atangaha.
August 22 tarikoni September 6 tarikona sal 15 ia workshop-ko ong·atangaha. Workshop-ko ong·ataon programo bakko ra·giparang social awareness-ni bidingo aro da·oni chasongo songsalo ong·enggipa neng·nikarangko maidake warachakna man·gen, unbaksana chadamberangni gisepo drug jakkalanirang batrikrikaniko champengna maidakgipa ja·kurangko de·ao namgen iarangni gimin play-ko tarie dakmesokangaha.
National School of Drama-ni Manish Saini aro Vikam Rathore- uamang workshop-ko ong·atangaha. English, MSW aro Garo department-ni student-rang workshop-o bak ra·angaha. NEHU, Tura-ni English Department-ni Dr. Namrata Pathak aro Dr. LK Gracy- uamangni nirokanio workshop-ko ong·atangaha.