U·IATTIMGIPAONI
SHILLONG: Martin Luther Christian University (MLCU), Sukrobar salo New Shillong Township, Mawkasiang, Lariti Centre for Performing Arts-o uamangni chang 16-gipa Convocation-ko ong·ataha. University-oni sak 1000 baten student-rang graduate ong·tokaha, aro sak 929 graduate-rang uamangni certificate-rangko ra·chakangaha.
Education Minister Rakkam A Sangma, tom·anio chief guest ba mongsonggipa sokachakgipa ong·e bakko ra·aha. Dr. Theyiesinuo Keditsu, Convocation-o aganprakangaha. Dal·begipa auditorium-ni centre-o students, ma·a-paarang aro tom·aniona okamako man·giparang bang·en bak ra·tokangaha.
MLCU-ni Chancellor Dr Glenn C Kharkongor, tom·anio aganprakmtiingo indine aganaha, “ia bilsi graduate ong·gipa student-rang batjok. Beben bilsi 2020-2021-o education aditan neng·nikako chagrongahachim indiba student-rang neng·nika aro ra·bianirangko chagrongeba iandakgipa gadangona sokbaaha.”
MLCU-o salgro-salaram jolni chu·gimik a·dorkangoni poraigiparang donga, an·tangtangni namnikatang course-rangko poraitokenga, indiba Manipur-oni bang·a student-rang, Manipur-o golmal ong·ani gimin aditan neng·nikarnagko chagrongna gita nangaha, ineba Chancellor aganaha.
Iarangni gisepon Education Minister Rakkam A Sangma, graduate ong·giparangna certificaterangko suale on·angaha. Indake graduate ong·giaprangoni 85 percent-de me·chikrang ong·genkon ine Rakkam aganaha.
Indake ong·engon Education Minister, MLCU-ko de·mittelate, mikkangchi university-ko chubatgipa gadangona sokangna ka·donganiko janapangaha.
TISS Mumbai-oni Social Work-o PhD ka·gipa Dr Theyiesinuo Keditsu, feminist poet, academic, writer aro educator ong·an baksa Naga textiles-o kam ka·gipaba ong·a, ua programo didigipa kattarangko aganangaha.
Program matchotao student-rang Lariti centre-on concert-ko ong·ataha. University-ni Music Department-ni nirokanio student aro ma·a-paarang kusi ong·e bak ra·angtokaha.