U·IATTIMGIPAONI
AMPATI: World Tourism Day-ko maniani bak gita Budbar salo, ICFAI University-ni ning·o donggipa Tourism & Travel Management Department-ni chatro chatrirang, Meghalaya Tourism Department baksa nangrime, South West Garo Hills a·jani ning·o donggipa Pelga Dare-ko rongtalataha aro Ballonggre songo bol chararangkoba ge·angaha.
Ia rongtalatani aro bol chararangko ge·anio, Tourism Officer Ava Shereen Sangma, ICFAI University-ni chatro chatrirang baksa bakko ra·angaha.
Rongtalatani aro bolrangko ge·anio kamrangko ICFAI University-ni Assistant Professor sakgni, chong·motan Venybirthseng Ch Marak aro Bryan Boon R Marak dakdilangaha aro World Tourism Day-ni bidingo ICFAI University-ni sakgipin Assistant Professor Ellerie N Arengh, jinmana agan-talate on·angskaaha.
Ia World Tourism Day-ko ICFAI University-ni chatro chatrirang, Swachh Bharat Abhiyan Week baksa apsan manijolangaha.