U·IATTIMGIPAONI
TURA: National Cadet Corps (NCC) Group Shillong-ni dakchakanichi, 41 Meghalaya Battalion (Bn) NCC-ni gita sal 10-ni Combined Annual Training Camp (CATC-63)-ko re·anggipa September 18 tarikoni September 27 tarikona Tura-ni ISBT building-o ong·atangaha.
Ia training camp-ko ong·atanio, Garo Hills-ni NCC-rang, dingtang dingtang katta bichongrango pangchake skie on·anirangko aro dingtang dingtang jakni kamrang, jekai silchidare jakkalani, Map poraiani, march ka·ani, disaster management, first aid, rongtal an·talaniko rakkiani, cyber security, wa·aloni naljokani, sipai dolrango kam ka·ani cholrang aro uandakgipa workshop-rangoba skie ra·na gita cholrangko man·aha.
Training-o donge skie ra·gipa NCC-rang, Dalu-ni BSF Border Outpost-o donggipa Kalipara War Memorial-koba niena gita cholko man·aha aro uano silchidare jakkalanirangkoba nie ra·bana man·aha.
Ia sal 10-na ong·atanggipa training-o West Garo Hills a·jani Deputy Commissioner Jagdish Chelani aro North Eastern Hill University (NEHU) Tura Campus-ni skigiparangba re·ange, NCC-rangna agan-ku·pattianirangko on·angaha.
Ia training-o gitcham NCC-rang, dingtangmancha Personality Development Workshop-koba ong·atangaha aro training-o skie ra·gipa NCC-rang, Bugai chiringko rongtalatanioba bakko ra·ena gita cholko man·aha.