U·IATTIMGIPAONI
TURA: SSA skulrango skigiparangna jagnini dormaharangko on·atani ja·man All Garo Hills School Teachers Association (AGHSSASTA)-ni jingjengatna manchianiko ra·galatpilaha.
SSA skulrango skigiparang re·anggipa July jaonin jagittamni dormaharangko man·kujaengani gimin October 16 tarikni gisepo dormaharangko on·jagenchimode jingjengatanirangko dakanggen ine adita salrangna skangsan AGHSSASTA parakatahachim ine nikna man·a.
Indake ong·genchimoba, SSA skulrango skigiparangna SEMAM State Project Office-oni Sombar salo, jagnini dormaharangko on·atchengahani gimin skigiparangni jingjengataniko dontongatpilchengaha ine AGHSSASTA parakataha.
SSA skulrango skigiparangna dormaharangko on·ani bewalnaba AGHSSASTA suk ong·gijaniko parakataha.
“Skigiparangni dormaharangko on·na gita a·dok sorkari, October 11 tarikon order-kode on·manaha indiba skigiparangni account-rangode pelsaba napkujachim. Uni gimin skigiparangni dormahako chingni personal account-ona ta·raken chipatchina chinga sorkariko didienga,” ine Association-ni dilgiparang, suk ong·gijaniko parakataha.
