Tuesday, March 4, 2025
spot_img

DSC-ni kamna ra·anio joltangoni candidate saksasan seokako man·a ine matnanga

Date:

Share post:

spot_img
spot_img

 

U·IATTIMGIPAONI

TURA: 2018 bilsio advertise ka·gipa kamrangna South West Garo Hills District Selection Committee-ni result-ko parakanio a·jatangoni candidate saksasan seokako man·aiaha aro gipinrangde gipin biaprangonisa ong·a ine Bristibar salo, South West Garo Hills a·jao songdongenggipa manderang matnangenba, jinma tom·aniko ong·atangaha.

South West Garo Hills a·jao LDA-ni ge 10 kamrangna interview ra·ani result-rangko re·anggipa October 17 tariko parakahachim indiba ia result-ko parakanio a·jatangoni candidate saksakosan seokaiaha ine jolni manderang matnangenba, iani bidingo District Administration-ko sing·doattokaha.

A·jatangoni candidate saksakosan seokaiahani gimin District Administration-ni kamko jegalatengon, kamna ra·anio joltangni candidate-rangkosa mikkang nichengchina gita ia 2023 bilsini June 14 tarikon sorkari ge·etaniko on·manahachim indiba da·alo South West Garo Hills a·jao DSC-ni kamna seokaniara sorkarini dongimin niamkon pe·ani gita ong·aha ine Ampati-oni saksa Uttora Sangma parakataha.

“DSC-ni result-ko parakanio joltangni candidate-rangko galchangpile Tura-ni candidate-rangkosa seokskaaha. Ia kamna interview-ko ia bilsini July jao ong·atahachim aro ia interview-o joloni candidate-rangba bang·en pass ka·ahachim. Viva voce-na gimik sak 205 candidate-rang dongaoni sak 28 candidate-rangsan chu·sokna man·aiaha aro result-rangkoba apsan salon parakaha,” ine Sangma aganaha.

Uni parakatani gitade Garo quota-ni ning·o seokako man·gipa sakchet candidate-rang gimikan West Garo Hills a·jaonisa ong·achim aro kamna seokako man·gipa candidate saksaba official saksani jonggipasa ong·achim.

Iandake mikkang niteani gnang candidate-rangko seokahani gimin South West Garo Hills a·jani UGPF dolba jegalatengon, ia kamko Ampati-ni manderang raken jegalanggen aro a·dokni job reservation policy-ni ning·o sorkarini on·gimin niamko ja·rikchina dabianggen ine parakataha.

DSC-ni parakatgimin result-ko den·galpile gital dake candidate-rangko seoktaipilchina gitaba UGPF dabiangaha.

Indake ong·engon, DSC-ni kamna seokako man·gipa candidate-rangoni saksade Meghalaya a·dokoniba ong·ja aro Assam a·dokni ning·o donggipa Agia jolonisa ong·a ine a·jani mitam manderang parakataha.

spot_img
spot_img

Related articles

Ardent calls JHADC polls ‘rigged’

By Our Reporter SHILLONG, March 3: VPP supremo Ardent Miller Basaiawmoit slammed the ruling dispensation over what he called...

South Garo Hills MLAs seek rail link to Dhaka

By Our Reporter SHILLONG, March 3: In a contrasting scenario of political mindset between Khasi & Jaintia tribes and...

Investment Promotion Bill introduced in Assembly

By Our Reporter SHILLONG, March 3: The controversial Meghalaya State Investment Promotion and Facilitation (Amendment) Bill, 2025 was introduced...

VPP fears Centre might push for uranium mining to clear state’s growing debts

By Our Reporter SHILLONG, March 3: VPP chief Ardent Basaiawmoit on Monday expressed concern over the increasing debts of...