New Delhi: Shillong-ona railway line-ko ra·bana miksonganiko raken jegala-niko nikna man·genchimoba Ministry, 2023-2024 financial year-o ultra modern Vande Bharat train ba rel gariko Mendipathar-ona watna tik ka·aha.
Rama ja·langko namdapatna aro network-ko bariatna jotton ka·anio Indian Railways, bolgittam ultra-modern Vande Bharat Express train-ko Tripura, Jammu and Kashmir aro Meghalaya-ona watna tik ka·aha. Iarangna agreba Indian Railways, uandakgipa bol 75 rel garirangko mikkang bilsi 2024 March jaona parakatna miksongenga. Gital version -Vande Metro aro Vande Bharat Sleeper Car-koba parakatna miksonga donga ine Railway Ministry parakaha.
Meghalaya aro Tripura-na watgipa rel gari semi-high speed-ni ong·gen.
Mija jao Prime Minister Narendra Modi, dingtang dingtang a·dokrang -jekai Kerala, West Bengal, Tamil Nadu, Rajasthan, Odisha, Telangana, Andhra Pradesh, Karnataka, Bihar, Jharkhand aro Gujarat-ni rama ja·lang (connectivity)-ko bilakatna ba namdapatna gital bol 9 Vande Bharat Express-ko a·bachengate on·aha. Indian Railway-ni aganani gita, ia gital rel garirang namen ta·rakgipa ong·ani gimin songregiparangni somoiko namen gitchaata.
U·IATTIMGIPAONI