Thursday, February 29, 2024

NEHU-o ong·enggipa obostarangko nambate nirokchina VC-ko didiata

Date:

Share post:

spot_img

 

U·IATTIMGIPAONI

TURA: Adita salrangna skang, North Eastern Hill University (NEHU) Tura Campus-o chatro saksako kragija dake ‘ragging’ ka·ani gimin mikkangchi NEHU campus ning·o ong·enga obostarangko nambate nirok sandichina gita Tura-ni social activist saksa Cherian Momin, NEHU-ni Vice Chancellor (VC) PS Shukla-ko didiataha.

NEHU Tura campus-ni hostel damsao iandake gipin biaponi re·bae poraienggipa chatro saksako kragija dake kal·ake roaniara chatro chatrirangna kraatchana nanganiko ra·baan baksana chatro chatrirangni naljokaninaba jajrengna nanganiko mesokani ong·aha ine janapatengon, college-rango iandake ‘ragging’ ka·ani ba kal·ake roaniko 2019 bilsion Supreme Court champengatmanahani gimin NEHU campus-oba iandakgipa kamrangko mikrakbate nirok sandina nanga ine Momin parakataha.

University-ni dingtang dingtang department, hostel-rang aro gipin biaprangoba iandake kal·ake roanirangko champengna gita nambate nirok sandianirangko dakchina didiatengon, NEHU-o anti-ragging committee aro anti-ragging squad-ko songan baksana department-tangtangni gitaba apsan daken simsak nirokanirangko on·na nanga ine Momin parakataha.

Koborko on·ani gitade, ia a·sel ong·ani re·anggipa October 8 tarik walo, Chasingre-o donggipa NEHU Tura Campus-ni Arbella Boys’ Hostel-o ong·ahachim aro ua somoio chatro saksako, adita sak manderang, uni kuturioniko okamatenba, andalgipa kuturi ge·saona rimange, uni ba·ra cholarangko okmilongate jinmani mikkango chrokate roahachim. Ia manderang, ia chatroni kosako ka·mikkenatanirangkoba dakahachim.

Ia a·selni bidingo chatro chatrirang, NEHU-ni proctor Dr Gino A Sangma-na badi ka·e sedoatenba, campus-ni gita ning·in ning·in sandirokatani ja·mansa iani bidingo ma·sina man·ahachim.

spot_img

Related articles

Weather in Jammu & Kashmir: UT braces for heavy snow and rain

Shillong, February 29: J&K braced up for another spell of heavy rain and snow beginning Thursday night as...

TMC leader Sheikh Shahjahan arrested in West Bengal

Shillong, February 29: It is after 55 days that the absconding Trinamool Congress (TMC) leader Sheikh Shahjahan was...

‘Country has no locus standi to comment on our internal matters’: India on Pakistan raising Kashmir issue at UN

Shillong, February 29: Responding to Pakistan's allegations about Jammu and Kashmir at the UN Human Rights Council, India,...

Deepika, Ranveer to become parents in September; announce pregnancy

Shillong, February 29: Bollywood star couple Ranveer Singh and Deepika Padukone have confirmed that they are all set...