Thursday, February 29, 2024

PHE-ni watenggipa chiko chekgija ringchina minister-rangko FKJGP ra·bia

Date:

Share post:

spot_img

 

U·IATTIMGIPAONI

SHILLONG: Shillong songjinmao songdongenggipa manderangna PHE department-ni on·enggipa chiara ringna namaia ine PHE Minister Marcuise N Marak aganahani gimin, minister-rangko aro sorkari officer-rangkoba ia chiko chekgija ringskachina FKJGP ra·biataha.

Meghalaya a·dokni skotong Shillong songjinmao songdongenggipa manderang, ringani china jajrenge dongtokengon, Shillong-o songdongenggipa manderangna PHE department, namgipa chikon on·enga ine a·dokni PHE Minister Marcuise N Marak a·kangatahachim.

Adita salrangna skangsan, FKJGP dolni gita Shillong songjinmani dingtang dingtang gittimrango ringna jakkalenggipa chirangko porikka ra·e nina on·atani ja·man, Shillong songjinmani dam 40 gittimrango ringna jakkalenggipa chirangde ringna namja ine ma·sina man·ahachim.

Indake ong·engon, Shillong songjinmao songdongenggipa manderangna PHE department-ni on·enggipa chirangara ringna namaia ine PHE Minister-ni agananiko FKJGP jegalatskaenba, a·dokni minister-rang aro sorkari officer-rangba ia apsan chikon aqua guard gita dakgipa bosturangchi chekgija ringskachina ra·biataha.

“Secretariat-o minister-rangni aro sorkari officer-rangni aqua guard-rangchi chirangko chekna jakkala gita ramram cholgri manderangde man·paja. Uni gimin manderangna on·enggipa chiara ringna namaia ine PHE Minister a·kangenga ong·ode, minister-rang aro sorkari officer-rangba ia apsan chikon chekgija ringchina,” ine FKJGP-ni president Dundee C Khongsit ra·biataha.

Khongsit-ni parakatani gitade, chirangko porikka ra·ani sample report-rangko uamang a·dokni Chief Minister Conrad K Sangma aro Health Minister Ampareen Lyngdoh baksana PHE Minister-naba on·atahachim indiba uamang ia report-rangkon nina gisiko nangja gita ong·ahachim.

spot_img

Related articles

DGCA implements stricter guidelines for alcohol testing of aviation staff

New Delhi, Feb 29: The Directorate General of Civil Aviation (DGCA) has recently announced significant revisions to norms...

150 railway stations win FSSAI’s ‘Eat Right’ tag for serving clean, nutritious food

New Delhi, Feb 29: The Food Safety and Standards Authority of India (FSSAI) has certified 150 railway stations...

‘That country has no locus standi to comment on our internal matters’: India on Pakistan raising Kashmir issue at UN council

New Delhi, Feb 29: Responding to Pakistan's allegations about Jammu and Kashmir at the UN Human Rights Council,...

No sympathy for Sheikh Shahjahan, says Chief Justice of Calcutta HC

Kolkata, Feb 29: Calcutta High Court Chief Justice T.S. Sivagnanam, on Thursday, observed that this court has no...