U·IATTIMGIPAONI
TURA: Tura campus-o mijamangmang niamgri ragging ka·gipani bidingo agangrikna 2023 bilsini November 3 tariko North-Eastern Hill University (NEHU)-ni Anti-Ragging Committee bilakgipa tom·aniko ong·ataha. Tom·aniko Vice-Chancellor jean Committee-ni Chairman ong·enga tom·aniko dilaha.
Committee dingtang dingtang ja·kurangko de·angaha aro am·sandia-niko dakangaha jeon a·sel ong·gipana aganchak-anganiko a·bachengataha. A·sel ong·gipako am·-sandina University-ni gita Inquiry Committee-ko a·bachengatan baksanaba Naga Elders aro Non-Government Organisation (NGO-rang) baksa tom·anio Chairman-ni agananiko iano man·chapataha. Inquiry Committee baksana-ba dolgni Naga Elders aro NGO-rang uamangni tarigipa report-ko on·aha indiba da·o dipetona darangkoba niamgri ragging ka·gipa manderangko bimingko pe·kuja.
Tom·ani somoio, Prof. R. L. Nongkhlaw, Dean of Students’ Welfare, a·sel ong·-gipani nokdangni mande-rang aro barimarangni gitasa a·selko chagrong-gipa mandeona sokangna University-ni jotton ka·a-niko committee update ka·angaha. Suk ong·gija-niko a·selo ga·akgipa nokdangni manderang iani bidingo uko grongna re·ba-gipa NEHU-ni mande-rangna agan-parakangaha. Tura Campus-ona com-mitte-ni wenbaani bidingo koborko Dr. P. Khongji, Proctor, on·angaha aro Tura-ni local police dolchi chatro chatrirangko aro warden-ko sing·sandi-angenganniko agan-talate on·angaha.
A·selo ga·akgipani admission-ko ge·gipin academic course-ona watatna amani gimin ua agangrik-angaha ine Dean of Students’ Welfare Committee-na u·iataha jekon University dakna cholko on·a nang-nikenga. Ia session-ni so-moio ua darang gipin academic course-rangko dakna sikani gisik dongjaenga ine a·selo ga·akgipa u·iataha.
Da·o ia ong·enggipa a·selna, Anti Ragging Committee mongsonggipa ja·-kurangko de·na ra·baaha.
University-o am·san-dianiko ruutatenganio mamlako namatna man·-jaengani a·sel academic-ni balwana neng·anikani on·enganina am·sandianiko ta·rakatchina Director General of Police, Chief Secretary aro Tura-ni SP-na mol·molani chittiko Committee segen.
Campus Director of Tura Campus-na chittiko watatgen, jeon dos dakgipa mandeko rim·na man·ja ong·ode, University Grants Commission (UGC) guideline-ni ning·o nangchap-gipa clause-rang baksa pangchakanio nangchong-motgipa ja·kuko University de·angna nangnaba donga.
A·sel ong·gipana nang-chapgipa First Information Report (FIR)-ko gapatang-anio ruutatjana gita chu·gimik report-rangko man·a Hostel incharge aro nangchapgipa official-rangko sing·sandianggen.
Niamgri ragging ka·gipa-ko am·sandianiko dakna a·paloni saksa membor-ko man·chape sak 4 membor committee-ko songna committee namnike ra·baaha.
Dos dakgipa mande-rangko rim·china a·selo ga·akgipa aro Naga Elders-ni mol·molanganiko chu·-sokatna University bil ama dipet jotton ka·e rim·e on·gen. Mamlana kam ka·anganiko da·aloni antigniprako nipilaniko dakangna aro mikkang-china namroro-aniko ra·bana chanchirima-niko dakangna chan-chiangaha.
Chatro chatri gimikna naljokgipa aro nama rimchaksoaniko man·atna aro ia mongsonggipani bidingo agna-talate on·-angna kamrangko name ka·angkugen ine NEHU Anti-Ragging Committee on·kangangkue aganang-aha. Ia a·sel ong·gipani bidingo saoba nangchap-gipa koborrangko ma·sia ong·ode u·iatpachina aro am·sandianiko dakeng-giparangna dakchakaniko on·epachina University mol·molangaha.