U·IATTIMGIPAONI
AMPATI: South West Garo Hills a·jani Rerapara C&RD Block ning·o bija jile cha·enggipa manderangni kamrangko mesokna gita Sukrobar salo, District Horticulture Office-ni gita Honey Festival-ko Mellim kal·chakramo ong·atangaha aro ia program-ko Mission for Horticulture Integrated Development of Horticulture-ni bak gita ong·atangaha.
Ia Honey Festival-ko Rerapara C&RD Block-ni BDO Armand Ch Momin, mongsonggipa sokgipa ong·e a·bachengate on·angaha aro ia program-o Mellim Cluster-o bija jilenggipa manderang aro jolo songdongenggipa manderangba bakko ra·angtokaha.
Ia Honey Festival-ko ong·atanio bija jile cha·enggipa manderangoni nambatgiparangna dingtangmancha boksisrangkoba on·angaha.
Ia program-ko ong·atanio Rerapara C&RD Block-ni BDO, jinmana aganprakangengon, bija jile cha·enggipa manderangni chagrongna nangenggipa dingtang dingtang neng·nikanirangko namatna gita ku·rachakaniko on·angaha.