Tuesday, February 25, 2025
spot_img

GHADC-o kam ka·giparangni dormahako Krismasna on·china CM-na sedoata

Date:

Share post:

spot_img
spot_img

 

U·IATTIMGIPAONI

TURA: Garo Hills Autonomous District Council (GHADC)-o kam ka·enggiparang, an·tangtangni dormaharangko man·gijani da·o ja 32 ong·pilengahani gimin, GHADC-o kam ka·enggiparangna da·o Krismasna skangan dormaharangko on·china dabie, Non Gazetted Employees Association (NGEA)-ni dilgiparang, a·dokni Chief Minister Conrad K Sangma-na chitti sedoataha.

Ia chittiko NGEA-ni dilgiparang, re·anggipa Sukrobar salo, a·dokni Chief Minister Conrad Sangma-ko Shillong-o grongenba on·angaha.

NGEA-ni president Brithen M Sangma-ni parakatani gitade, GHADC-o kam ka·enggipa manderang, indita jarangni dormaharangko man·tokkujaengani a·selan nokdang chalaianio neng·nikanirangko chagrongna nangtokenga aro da·o Krismasni somoirangba sepangengahani gimin nangchongmota korosrangna tangka paisarangko nangtokengaha ine nikenba, GHADC-o kam ka·enggiparangni dormahako da·o Krismasna skangan on·atchina Chief Minister-ko didiataha.

“Chinga indita jarangni dormaharangko man·tokkujaengani a·selan nokdangrangko chalaianio aro mongsongbate dedrangrangni skul aro college fee-rangkoba man·tokkujaenga aro skul fee-rangko gamna man·tokjaengani a·selan mitam skulrangode bi·sarangni result-rangko on·jana gita u·iatanirangko on·engaha. Uni gimin chingna da·o December jani gisepon Krismasna skang dormaharangko on·china chinga Chief Minister-ko mol·molataha,” ine Sangma parakataha.

Apsan daken GHADC-ko chalaienggipa Executive Committee-koba NGEA-ni dilgiparang, ta·raken GHADC-o kam ka·enggiparangni man·gni dormaharangko on·china mol·molataha.

spot_img
spot_img

Related articles

VPP captures KHADC, MDA retains JHADC

Our Bureau SHILLONG/JOWAI/NONGPOH, Feb 24: The Voice of the People Party, the youngest political party in Meghalaya, defied history...

NPP’s Thombor Shiwat to lead JHADC EC

3 UDP MDCs, two independents extend support to NPP-led team By Our Reporter SHILLONG, Feb 24: The National People’s Party...

VPP not in hurry to name KHADC CEM

By Our Reporter SHILLONG, Feb 24: The Voice of the People Party (VPP) is yet to disclose who among...

Congress’ poll debacle: Pala asked to look back, ponder

By Our Reporter Shillong, Feb 24: State Congress working president Pynshngain N Syiem on Monday said Vincent H Pala...