Sunday, March 3, 2024

Petrol-rangko cha·ue palanio Bynihat-ni OC-ba jak donga ine matnangani ong·kata

Date:

Share post:

spot_img

 

U·IATTIMGIPAONI

SHILLONG: Meghalaya a·dokona salbaenggipa tanker-rangoniko petrol aro diesel-rangko cha·ue palanina adita sak manderangko police-rangni rim·ani ja·man, Meghalaya a·dokona salbaenggipa petrol aro diesel-rangko North East Petroleum Mazdoor Union (NEPMU) champengatna ka·mikkenatahaon, iandake petrol, diesel-rangko cha·ue palanio Byrnihat police station-ni officer-in-charge Amit Sinha-koba jak donga ine matnanganirang ong·katskaaha.

Petrol-rangko cha·ue aro brine palaniko police-rangni chadrapanio, tol·e tarigimin registration number plate-rangko police-rang man·aha aro ia nombor-rangara, AS-01DL 2562 aro ML-10R 8818 nombor-rang ong·e Amit Sinha-ni garirangan ong·achim ine police-rang ma·sina man·aha.

Iani bidingo kobor ra·timgiparangna talataniko on·angengon, ia garirangara Byrnihat police station-ni OC-ni garirang ong·a ine matnanganirangko police-rang knasona man·aha aro ia garirangara uni ong·ama ong·ja, kakketko ma·sina gita da·o police-rang sandirokengaha ine Deputy Inspector General of Police (ER) DNR Marak parakataha.

Gitcham matnanganirangna ia police officer-ko suspend ka·genma ine sing·on, ia obostani bidingo sandirokanio, Sinha dos donga ine rim·a man·genchimode uni kosako nanga gita ja·kurangko de·gen indiba gitcham matnanganirangni giminde ua mamingkoba aganna man·jawa ine Marak parakataha.

Dam rakgipa garirang dongani gimin iana skangba, Byrnihat police station-ni OC Amit Sinha-ni kosako matnanganirangko knasona man·ahachim. Khapmara PIC-o kamko ka·engmiting somoioba ia police officer-ni kosako apsan daken matnanganirangko knana man·ahachim.

Koela badinggipa manderang baksa jak dongani giminba ia officer-ni kosako matnanganirang ong·katahachim.

Iandake matnanganirangko man·simahani giminan ia police officer-ni kosako inquiry-ko dakchina gita dingtang dingtang dolrang dabitokahachim indiba police-rang, uni kosako maming ja·kurangko de·chipjahachim.

Meghalaya a·dokona petrol-rangko salbaenggipa tanker driver-rangko police-rang sinjete roenga ine NEPMU-ni matnangenggipani bidingo sing·skaon, ia manderangni kosako police-rang, Meghalaya a·dokni Petroleum Dealers Association-ni FIR ka·anio pangchakesa ja·kurangko de·aha ine Marak parakataha.

Ia manderangni iandake petrol aro diesel-rangko cha·ue aro brine palengani a·selan a·doko petrol pump-rangko chalaienggipa manderang, litre 100 ba litre 200-mangni gita noksan ong·engachim ineba Marak parakataha.

spot_img

Related articles

Civilian ‘killed’ in BSF firing on Bangla border

The border force said the general area of Daliya in EKH is frequently exploited by smugglers of all...

Uneasiness palpable at Maxwelton Estate

By Our Reporter SHILLONG, March 2: In the narrow lanes of Maxwelton Estate, a palpable sense of uneasiness lingers...

LS polls: BJP gives Meghalaya a miss in 1st list of candidates

By Our Reporter SHILLLONG, March 2: BJP gave Meghalaya a miss in its first list of candidates for the...

TMC ‘ready’ but India bloc nod remains factor

From Our Correspondent Mendipathar, March 2: Without completely ruling himself out of the fray insofar as the upcoming MP...