U·IATTIMGIPAONI
TURA: West Garo Hills a·jani Askikandi songo Jal Jeevan Mission-ni kamrangko matchotgija ka·a ine Garo Hills Youth Organisation (GHYO), West Garo Hills a·jani Deputy Commissioner-na badi ka·doataha.
GHYO-ni parakatani gitade, JJM-ni ning·o Nekikona Combined Water Supply Scheme (WSS) aro Babilgre WSS-ni kamrangko chu·gimik matchotaha ine JJM-ni portal-ode mesokaha indiba ia biapona re·ange nigenchimode Askikandi aro kosako janapgimin minggni project-rangon chi pipe ge·sakoba teke on·a dongkujachim.
“JJM-ni kamko Askikandi songoba chu·gimik matchotaha aro unbaksana Nekikona Combined WSS aro Babilgre WSS-ni kamrangkoba matchotaha ine JJM portal-ode mesokaha indiba Askikandi song baksana ia project minggnion pipe ge·sakoba teke on·ako nikna man·kuja. Songni skulo chi tengkikoba ge·sade rike on·aha indiba da·alona kingkingan ia tengkioniko teke on·ade dongskakuja,” ine GHYO-ni president Nazmul Hasan parakataha.
Ia songrango JJM-ni kamna chamgimin tangka paisarangko jakkalsretaha ine matnangatengon, JJM portal-ode kamrangko matchote chirangko on·na man·engaha inesa janapaha indiba kakketode da·onan kamrang matchotsrangkujaenga ine GHYO parakataha.
 |
ReplyForward
|