East Jaintia Hills-o railway ra·baaniko KSU jegalanga

G: Rel gari a·dokona ra·baani bidingo East Jaintia Hills-ni mande-rang baksa agangrikna a·dok sorkari chanchianio Sonibar salo Khasi Student Union (KSU) aganangaha, skanggipa ILP-ko ra·gat-kujaskal a·doko namgipa ba mande gatgipa rel gariko ra·bana man·kujawa.
“Ua-mang agana, nam-giparang dam nomgiparang ong·-bagen indiba chinga ma·-sichongmota namgipa rel garirang bosturangko dam nomatna man·gen. Chingni chanchiani jean ILP-ko ra·baani ja·man Khasi Jaintia a·jarango rel garina maming cham-pengani dongjawaha,” ine KSU-ni general Secretary Donald V Thabah aganangaha.
Skanggipa ILP-ko on·ja dipetna a·doko railway-rangko ra·bana man·jawa ine KSU dabiatangko rim·kingkinge dongaha.  “A·jao rel gariko a·bacheng-atna sorkarini re·chakatani bidingo East Jaintia Hills-ni manderang baksa nipilaniko aro chanchianiko dakna nangnike re·baeng-gipa bilsini January jao tom·aniko ong·atna cabinet minister aro Khliehriat-oni UDP-ni legislator Kyrmen Shylla u·iataha.
Tripura aro Assam-o mai obosta ong·enga ua gita songpanggipa mande-rangna biap dong-pilgija gipin jatrang napretpret-anirangko ma·sie song-panggiparangko chel·chak-na nangnikenga, chinga jinma chanchirimanirangko ong·ataha, KSU generals Secretary aganaha.