U·IATTIMGIPAONI
SHILLONG: Meghalaya a·doko songdongenggipa manderangna internet-ko ta·rakbate on·na gita a·dok sorkari, Meghalaya Energy Corporation Limited (MeECL)-ni optical ground wire (OPGW)-ni 600 km-ko jakkalna siengaha.
Iani bidingo a·dokni Chief Minister Conrad K Sangma, social media-o jinmana talataniko on·angengon, “A·doko songdongenggipa manderangni nokona internet-ko ta·rakbate sokatna gita chinga MeECL-ni OPGW-ni 600 km-ko salna siengaha,” ine parakataha.
MeECL-ni transmission line-rango OPGW-ko jakkale Tura-o 100mbps internet-ko on·na gita a·dokni IT department aro Powertel-ba dake nimanaha ineba Chief Minister parakataha.
Adita salrangna skangsan, IT department-ni official-rang baksa tom·e chanchirimangani ja·man, 2025 bilsini gisepode Meghalaya a·dokni pilak block-rang aro subdivision-rangoba optical fibre-rangko chatgnok ine Chief Minister parakatahachim.
Ia kamko 2024 bilsini March jao a·bachengate 2025 bilsini June ba July jani gisepo matchotna ka·dongenga ineba Sangma aganaha.