TURA: West Garo Hills a·jani Asikandi VEC part II, part IV aro part VII-ni ning·o RCC ring well-rangko sak 11 manderangni nokosa rike on·aha ine matnangatenba, ia VEC-ko dilenggipa manderangni kosako dolsa manderang, West Garo Hills a·jani Deputy Commissioner-na aro MGNREGS official-rangna badi ka·doangaha.
West Garo Hills a·jani Deputy Commissioner aro MGNREGS-ni official-rangna badi ka·doangani gitade, Asikandi VEC part II-ni caretaker Kobi Nessa aro Sk Morjina, Asikandi part VI-ni caretaker Khobiza Khatun aro Yesmin Sarkar baksana Asikandi VEC part VII-ni caretaker Morzina Begum aro Narzia Begum, ia VEC-ni ning·o donggipa manderangna rikna on·gipa ring well-rangko dingtang dingtang sak 11 mande-rangni nok rike on·skaaha.
Ia VEC-ara, West Garo Hills a·jani Demdema Block ning·o donggipa VEC ong·achim.
Ia ring well-rangko rikanio, tangka paisarangko jakkalsretna gita name aro rongtaleba rikjaha aro unbaksana toilet-rangko name rikjaha ineba VEC caretaker-rangni kosako badi ka·doangaha.
Ia project-ni work order aro estimate-ko pe·enba tangka paisarangko jakkal-sretaha ine matnang-atengon, iani bidingo san-dirokaniko dakenba, VEC-ko nirokenggipa mande-rangni kosako rakgipa ja·kurangko de·china gita Mofidur Rahman minggipa mande saksa, West Garo Hills a·jani Deputy Commissioner aro MGNREGS-ni official-rangko didiataha.
Ring well project-ni bidingo VEC caretaker-rangni kosako badi ka·a
Date:
Share post:
