Shillong: Meghalaya mijalo Tura-ni District Auditorium aro Library-o cultural program baksa a·dokni jakgitel man·ani 52 bilsi gapaniko maniaha. Hon’ble Governor, Phagu Chauhan Chief Guest ong·e, Chief Minister, Conrad K Sangma Guest of Honour aro I&PR Minister, Dr. Mazel Ampa-reen Lyngdoh Special Guest ong·e programme-ko mikkim chaataha.
A·dok skotongna agre dingtang dingtang biap-rango a·dokni gita a·jolni manderangna ia maniani dingtangmancha ong·aha.
Hon’ble Governor pro-gramme-o aganao a·dokni pilak manderangna an·-tangni salamko on·aha aro a·dokni jakgitelna dakgrik-gipa bilakgipa niksamsoani gnanggipa dilgiparangko, jakgitelna dakgrikgiparang-ko aro British sasonni kosako dakgrikgipa pilak manderangko aro uamang-ni jatni daka-rikanirangko aro amani a·songko chel·-chak-warachakna uamang-ni janggirangko on·chak-giparangko mande ra·aniko dakaha.
A·doko bang·a a·ba-rango namroro-silroroaniko Hon’ble Governor agana-o,” a·dokni mikkangchiko rikna re·a-doaniko nam-batatanian nangchongmot-gipa ong·a. A·dokni banga district-rango tarigimin rama-sorokrangko a·pal-batatna, rama-sorokrangko aro jalangrangko tarina jotton ka·enga. An·chingni a·dok sorkari songgadam a·jolrangni manderangna nambata gadangni sana-banani cholrangko on·a a·dok gimikni hospital-rango, CHC, PHC-rango bang·a sana-banani nam-gnirangko tarienga. A·-songo Meghalaya gittam-gipa aro salgro-salaramo skanggipa a·dok ong·e mikkim-rasongni ong·a indake gisikni aro song-salko simsakani policy-ko nangenga ine aganaha.
Chief Minister Shri Conrad K Sangma uni katta agananio a·dok sorkarini namroroanina ja·ku de·ani-rangni gimin aganangaha aro batanggimin bilsi 5-o a·dokni koros ong·anirang duna gnina bataha jeon 2017-18 bilsio sorkari tangka kror 9000-ni gita ong·na am·pile koros ong·-aha aro 2023-24 bilsio financial year-o tangka kror 21,000 ong·na am·pile koros ong·aha. 2018 bilsio-ni PMGSY-ni ning·o PMGSY ramarangni km 2526 ong·na am·pile tarie on·aha, mijamangmang dam 70-ko dam 600 song-rangko nangdimate on·eng-aha ine ua agandapangaha. Block office gimikko nam-dapat dingtanganirang baksa chame tariaha. A·dok sorkari skul ge-2500-na gital nokrangko rikna ba ong·jaode chu·gimik tari-dapaniko dakangna chame on·aha, ine ua agan-dapangaha.
An·chingni a·dokni chadamberangna, me·chik-rangna aro game ge·e cha·giparangna dingtang-mancha gisiko nangani aro cholrangko on·a nangani bidingo Chief Minister agandapangaha, ian self-help group-rangko bikot-angani ba music platform-rangni gita, entrepreneur-ship aro kal·susaanirang iarang gimikan a·dokni namroroani aro dal·roroa-niko gipatanganio bakroe re·angnagipa ong·a.
Meghalaya-ni namro-roani bilsi batbat dingtang-tegipa aro an·chingni dil-gipa Chief Minister Conrad K Sangma-ni dilani ning·o bang·a chol ramarangko ra·baaha, ine tom·bagipa mande jinmana IPR Minister, Dr. Mazel Ampareen Lyngdoh aganani somoio
(Mitam jak 7-o) janapataha. A·dokni resource-rangko aro sorkarini machinery-ni sector gimiko bang·a scheme-rang aro ja·ku de·anirangchi gital dake ja·ku de·angna apsan dake sorkari on·kange kam ka·angkugen, ine ua aganaha. Ge·a gamanio, tourism, power generation, education, information technology, entrepreneurship aro gipin department-rangni gimik sector-rango dingtang dingtang ramarangko sorkari tariaha.
Maniniko gisik ra·na, Shillong Chamber Choir-ko bikotgipa Neil Nongkynrih sagini gita tarigipa git State Anthem ba a·dokni anthem git-ko mande ra·na kragipa Governor-chi oprakaha.
Manianio, ia bilsina Meghalaya Day Award-ni bimingrangko parakataha. Art & Literature-o U Tirot Sing Award-ko Shri Risingbor Kurkalang-na on·aha, Social Service-o Pa. Togan Sangma Award-ko Dr. Delphine G. Momin-na on·aha aro Sport & Games-o U Kiang Nangbah Award-ko Phrangki Buam-na on·aha.
Governor’s Police Medal award-ko sak 15 sipairangna name dake kam ka·anina on·aha, Chief Minister’s Disaster Response Medal-ko namgipa kam ka·anina sak 6 manderangna on·aha aro apsan salo sak 21 manderang Meghalaya Day Excellence award-rangko man·aha.
Meghalaya Day manianio jatni chrok mesaani aro gita ringanirangko dakangaha.
Caption : Mijalo Tura-ni District Auditorium aro Library-o cultural program baksa a·dokni jakgitel man·ani 52 bilsi gapaniko maniao Chief Minister, Conrad K Sangma, Tura-ni MP Agatha Sangma baksa gipin gipin chugipa gadangni dilgiparangko programme-o dongpako nikenga.