WILLIAMNAGAR: Sombar salo, Tura-ni MSME-DFO, India sorkarini MSME Ministry, New Delhi-ni Madhukar Livelihood Foundation aro East Garo Hills a·jani DCIC nangrimenba, salsani Lean awareness program-ko Williamnagar-o ong·atangaha.
Ia awareness program-ko ong·atanio East Garo Hills a·jani Deputy Commissioner Vibhor Aggarwal, mongsonggipa sokgipa ong·e jinmana aganprakangengon, jolni MSME-rangna Lean Certification-ko man·anio District Administration-ni gita pilak nanga dakchakanirangko on·gen ine ku·rachakaniko on·angaha.
Ia awareness program-ko ong·atanio Tura MSME-DFO-ni Assistant Director Nilesh Trivedi, jinmana aganprakangskaengon, Lean-ni dingtang dingtang bakrangni bidingo talataniko on·angjolaha.
Ia program-ko ong·atanio dongpae jinmana aganprakanggipa gipin manderangara, East Garo Hills KVK-ni Senior Scientist Brijendra Singh Rajawat, Williamnagar DCIC-ni General Manager Modhe R Marak aro gipinrang ong·a.
