Saturday, September 13, 2025
spot_img

Garo Hills-o Sports University-ko kulina agangrikenga: BJP

Date:

Share post:

spot_imgspot_img

SHILLONG: A·dokni BJP, Garo Hills-o Sports University-ko donchina ma·mong baksa agangrikenga ine Sombaro parakataha.
‘‘Chinga sports University-ni gimin chanchienga, uni gimin chinga BJP ong·e ma·mongni dilgiparang baksa golpoaniko dakenga’’ ine Tura-ni MDC aro A·dokni BJP vice president, Bernard Marak Sombaro aganaha.
Ua agana, Sports University-ko ra·bana party ja·ku de·aniko dakchengaha, maina an·tangri changtelaigiparangko sandie, uamangko nambatroroatna nangani ong·enga.
Mnisalo mangmang matchotanggipa Meghalaya Games-ni bidingo ua agana, “Garo Hills-ni kal·susaanirangko nike suk ong·jaha. Khasi Hills aro Jaintia Hills skanggipa, gnigipa aro gittamgipa gadango matchotaha, uamang chugipa gadango donggiparang ong·aha, indiba Garo Hills soka chakgipa ong·genchimoba, skanggipa, gnigipa aro gittamgipa ranking-ni ning·o matchotna man·rikjaha.”
“Anga darangkoba jaksi otjaenga, indiba chinga namgipa facility-rangko nangenga inesa aganenga, aro songadamrango changgipa-sapgiparangko sandie skie on·na gita namgipa facility-rang aro namgipa university-rangko nangenga,” ineba ua agandapaha.
A·dokni BJP vice president, una agreba, ua matchotanggipa Meghalaya Games-o  Garo Hills-ni kal·susaanio chu·sokgijanina political dilgiparangko dos galaha.
“Bilsirikitan sports aro youth-ko namdapatna bang·en tangkarangko chamataha, indiba chinga Khasi aro Jaintia Hills-o gita dake sporting event-rangko ong·atako nikjaha. Garo Hills-o facility-rangko name jakkalako nikna man·ja,” ine ua aganangkuaha.
RTI-chi sandianio u·ina man·ani gita king 75 jersey-rangko dingtang club-rangna on·atako mesokaha, indiba sandie nie ma·sina man·ani gitade club-rang ua jersey-rangko man·sojaha aro jagokman·pilgipa kattade, ua jersey-rangkora hardware dokanrangonisa on·ataha.
Ua agana, “chadamberangni gisik nanganiko name jakkaljaha, kakketko agangenchimode uko jakkalsretani katta ong·aha.”
Ua agandapa je, West Garo Hills, Cheif Minister-ni constituency ong·ani kride Meghalaya Games-o nambatna kragipa ong·achim.

spot_imgspot_img

Related articles

Trump says Kirk killing suspect likely in custody

OREM (US), Sep 12: President Donald Trump announced the capture of the suspect in the Charlie Kirk assassination,...

France, UK act to deter Russian escalation

WARSAW, Sep 12: France and the UK have announced fresh sanctions targeting Russia’s oil revenues and war machine...

UK parliament scrutinises UK-India FTA impact

LONDON, Sep 12: A British Parliament panel is examining the UK-India Free Trade Agreement (FTA), which was concluded...

Neeraj aims to defend World C’ship title

Tokyo, Sep 12: Neeraj Chopra will aim to become only the third men’s javelin thrower in history to...