Baghmara: Mijal salni bako Chokpot C&RD Block-ni ning·o Central Agricultural University-Krishi Vigyan Kendra CAU-KVK, South Garo Hills-ni Asugre songo me·rakku ge·aniko ranta ka·ani bidingo Front Line Demonstrators-ni ning·o farmers’ field day-ko ong·ataha.
Asugre aro sepangjolo donggipa gipin gipin songrangoni gimik gimang sak 25 tom·ao bakko ra·aha aro Dr Athokpam Hari-bhushan, Principal Scientist & Head, CAU-KVK SGH president ong·e programme-ko mikkim chaataha.
Ma·mongni parakatgipa technoloegy-chi kam ka·e chu·sokgipa ong·anina gamgiparangko mittelaha aro jean gamgiparangni man·gniko bariatgen me·rakkurangko bang·bate ge·angchina didiangaha.
Technical session-o Rike Chelchak A Sangma, SMS (Agronomy), CAU-KVK SGH-ni dingtang dingtang me·rakkuni rokomrangko ge·aniko nambatatanio district-o me·rakku bitchilko man·a amgipa song dakna gam-giparang ra·gatna man·gen me·rakku bitchilko man·ani aro chimonge donani technology-rangni gimin aganaha. Farmers Field Day programme-ni gita me·rakku bitchilko ripinge donna hermatic bekrangko suale on·aha aro gamgipa-rang aro gisik a·ni ng bitani gita agangrikani program-me-koba ong·atjolaha.