SHILLONG: Health Minis-ter Ampareen Lyngdoh, mijalo Laban-o Physical Medicine aro Rehabilita-tion (PMR) centre-ko oprake on·aha.
PMR centre programme ong·atgipa Assam Club-oni meter 100-mang chel·ao donga.
Physical medicine aro rehabilitation (PM&R)-ko physiatry ineba minga, uan medical specialty ong·a jemangan saknaa ba be·eno bilgria uandakgipa sagipa-rangko namatna aro uamangni gitalgipa janggi tanganiko nambatatna nangnikenggipa centre ong·a.
Oprake on·ani pro-grame-o aganao namgipa chanchiani biteko baksa namgipa ramao ja·ku de·ani ramarangna daitoko jako ra·e kamko ka·giparang baksa kamko ka·gen aro neng·nikaniko dakchakna ua ku·rachakaha.
Programme-o be·eno bilgrigipa manderangko mande ra·aniko dakaha aro adita janggi tanganirangko aganangaha.
PMR centre-o diag-nosis, sana-banani baksa chalaigen aro orto gnang-gipa be·eni gita mandeni janggi tanganiko nambatat-na sabisiko champenggen.
Kobor ra·timgiparangna aganao Health Minister indake aganaha, “Ia namen mongsonggipa agangrika-nio an·ching bak ong·a maina Dr Rangad uni demechik aro uni chawarini kam ka·aha aro iakon PMR centre ine mingaha”.
Dr Rangad aro uni nokdangni adita namgipa kam ka·anirangko ua aganao ‘‘Ian mangipa project ong·a jeon anga angni gita angni bil amani gita kam ka·paaha”.
“Indaken chinga mik-kangchi nambatangna niamna man·a aro maina adita dingtanganichi maikai sorkari re·bana man·gen uko nikna man·gen, jemangan ia progvramme-ni bak ongenga da·alo anga adita sak manderangko gronganiko nikaha aro project namen nambegipa ong·e,” ua agandapaha.
