Wednesday, April 24, 2024
spot_img

WGH-ni a·kawejolo JJM-ko kam ka·a tik ong·gijaniko sandina Lokayukta hukum on·a

Date:

Share post:

spot_img
spot_img

Tura: West Garo Hills a·jani Pulbari PS-ni ning·o ga·akgipa Gomaijhora songo changsatai niam-grigipa kamrangko ka·tai-enga, bang·a changon report ka·ako man·ani ja·manoba dal·dalgipa ro·ongrangko bikotenga, niamgri ro·ong bnekatgipa machine-rangko chalaienga aro bol pangrangko den·e uarangko gate salangakoba kam ka·na nanggipa authority-rang san·di-jaenga, ine u·iataha.
Iarangni bidingo baita-ba chang matnangataniko dakgenchimoba Gomai-jhora song baksa ong·telai-gipa bol waarangna a·kawe joloni badingchiwalgipa-rang niamgrigipa kamrang-ko ka·angkuenga, ine parakataha.
Mijamangmang iani bidingo matnangataniko man·ani gimin niamgri dal·dalgipa bol pangrangko rata aro uarangko salang-giparangko adita dontong-atna kamrangko ka·angaha, uni gisepon authority-rangoni nirokanirang chu·-ongjani a·sel apsan dak-gipa kamkon ka·angtaiaha, ian aiao inmanani, song-tang manderangni parak-atani gitade, adita sal-rangna chipani ja·manan kulipiltaiaha ine u·iataha.
Ian West Garo Hills-ni Rajabala constituency-ni ning·o ga·akgipa biap ong·a.
“Salprako komibeoba truck bol 20-30 dake mong-songgipa Balujhora, Mali-jhora aro gipin biaprango-niko salbaako nikna man·-enga. Komibeoba bolbri bnekatgipa dal·gipa machine authority-rangni chu·gimik ma·siani baksa maming license donggija chalaienga aro bang·a niamgri bol salruragipa garirangni re·ruraengako nikna man·enga.  Iako ta·raken dontongatna nangchongmota ine song-tangni mande parakataha.
Forest Development Corporation of Meghalaya (FDCM)-ni office mik-kango mijamangmang niamgri dal·dalgipa ro·ongrangko bikotna chalaiangaha. Aro FDCM-ni office-o bretgipa ro·ong-rang ga·akdapangaha jekon ja·man forest official-rangna iani bidingo matnangataniko dakaha.
Uamangni matnangata-nirangko dakgenchimo-mangba mamingan ong·-jaha.
Check gate (iani sawa-mancha nokgipa ong·a iako darangan rongtale ma·sija) niamgri kajina ra·na tangka ra·riktimgipa biap dakesa da·ode chalaiengaha jeon niamgri bol aro ro·ong-rangko salruragipa gari ge·antionikon tangka-rangko gilrikenga, iakoba report ka·ataha.
“Ro·ong bnekatgipa darangba license gnang chalaigiparang dongja aro ia dal·dalgipa machine-rangko done chalaienga. Maina forest department (GHADC ba a·dok) re·bae nija aro chalaienggipa-rangko chipjaenga? Ian niamgri kam ka·gipa-rangoniko a·dok revenue-ko gimaatasan dongja indiba adita manderangni mikbokanirangchi an·-chingni samtangtango dongenggipa sambol-rangko nisiatenga,” ine Phulbari-o social activist PJ A Sangma aganaha.
Jensalo iani bidingo Phulbari-o GHADC forest office aganaha jeon niamgri ita chalaiko chipgipan baksa bang·a mamlarango matnangataniko man·soa-nio uamang somoini ko-sako katenga, ine aganaha.  “Matnangatgipa gimiko nina chinga jotton ka·enga indiba da·o somoirang bakandikaha. Ia niamgri rikgiparangni kosako chinga ja·ku de·anggen indiba chinga bang·a dak-chakpaanirangko nanga,” ine GHADC, Forest-ni CFO Rangkhu Sangma aganaha.
Iarangna a·dok forest authority-rangoni maming aganchakanganirang da·o dipet dongkujaenga.

spot_img
spot_img

Related articles

Resettlement of refugees will alter demographic balance of Upper Assam dists: Forum

Guwahati, April 24: Prabajan Virodhi Manch (PVM) convenor Upamanyu Hazarika has expressed apprehension over Union minister Kiren Rijiju’s...

Swami Gautamanada takes over as 17th President of Ramakrishna Mission

Kolkata, April 24: Swami Gautamananda on Wednesday took over as the 17th President of the Ramakrishna Math &...

BJP MP’s wife to contest against him from UP’s Etawah

  Etawah (Uttar Pradesh), April 24: BJP candidate from Etawah and sitting MP, Ram Shankar Katheria, has landed in...

India and Japan hold disarmament and non-proliferation talks in Tokyo

New Delhi, April 24: India and Japan on Wednesday exchanged a wide range of views on major current...