SHILLONG: Kamoni ra·gala man·gipa Lokayukta official-rangni bidingo agangrikna gita Chief Minister Conrad K Sangma-ni okamaniko Voice of the People’s Party (VPP)-ni dilgiparang senge dongkuenga ine u·iataha.
VPP-ni president Ardent Miller Basaiawmoit-ni parakatani gitade, iani bidingo Chief Minister baksa agangrikna ua an·tangan tarikko tik ka·e on·gen ine a·dokni Law Minister Ampareen Lyngdoh, uamangna ku·rachakaniko on·ahani gimin uamang sorkarini okamataniko senge dongkuengachim.
“Uni gimin chinga CM baksa agangrikna okamataniko senge dongenga,” ine Basaiawmoit aganaha.
Iani bidingo agangrikna git aua VPP-ko okamatjawa indiba Meghalaya Lokayukta-ni bidingo saoba sorkari baksa agangrikna nangnikenga ong·ode jeba, je somoioba re·bae uko grongena man·aigen ine adita salrangna skangsan Chief Minister Conrad Sangma parakatskaahachim.
“Ia sorkari, jeni giminba je dolrang baksaba agangrikna kusi ong·gipa sorkari ong·a, uni gimin jeba je somoioba re·bae chingko grongena man·aigen,” ine ua aganahachim.
Adita salrangna skangsan, a·dokni Law Minister Ampareen Lyngdoh, Secretariat sambao jingjengatenggipa Voice of the People’s Party (VPP)-ni dilgiparangko okamatenba, uamangko salsa salgnini gisepon a·dokni Chief Minister Conrad K Sangma grongenba, uamangni dabienggipani bidingo agangrikna sienga ine ku·rachakaniko on·atahani gimin VPP-ni dilgiparang, Secretariat sambao asonge jingjengataniko dontongatpilahachim.
“Iani bidingo jeba je somoioba re·bae ching baksa agangrikena man·aigen aro ango iani gimin maming champenganirang dongjawa,” ine adita salrangna skangsan, a·dokni Chief Minister Conrad K Sangma aganskaahachim.
 |
ReplyForward
|